पोखरा । साहित्यकार एवं गायिका चन्द्रावती वाग्लेको तीजगीतको म्युजिक भिडियो ‘शून्य छ जन्मेको घर बरिलै’ सार्वजनिक गरिएको छ ।
पोखरामा आयोजित समारोहमा गण्डकी प्रज्ञा प्रतिष्ठानका कुलपति सूर्य खड्का बिखर्चीले म्यूजिक भिडियो सार्वजनिक गर्दै मौलिक गीतले समाजमा सकारात्मक सन्देश प्रवाह गर्ने बताए । पुरुषले तीजेगीत गाउनु अशोभनीय हुने भन्दै उनले महँगो होटल र पाटी प्यालेसमा टिकटमा दर खानु विकृति हो भने । राष्ट्र चिनाउन कला र संस्कृतिको महत्वपूर्ण भूमिका रहने बताउँदै कुलपति बिखर्चीले राज्यले कलाकारको योगदानको उचित कदर गर्नुपर्नेमा जोड दिए ।
नेपाल पत्रकार महासंघ केन्द्रीय सदस्य सरिता तिम्सिना पगेनीले मिडियाले मौलिक गीत प्राथमिकतामा राखेर प्रकाशन र प्रसारण गर्नुपर्नेमा जोड दिइन् । उनले कलाकारलाई राज्यले उचित ढंगले सम्बोधन गर्नुपर्ने बताइन् ।
तीज गीत समीक्षा गर्दै महाकाव्यकार वसन्त चालिसेले वाग्लेका गीतमा समाजको यथार्थता झल्किएको बताए । बढ्दो बसाइँसराइ कारण गाउँपाखा उजाड भएको कुरा गीतमार्फत उजागर गर्न खोजिएको उनको भनाइ थियो । गायिका चन्द्रावती वाग्लेले समाजमा घट्ने घटनाक्रम गीतमार्फत उजागर गर्नु एउटा सचेत नागरिकको दायित्व सम्झिदै बर्सेनि तीजका एल्बम ल्याउने गरेको बताइन् ।
शिवराज भूर्तेलको निर्देशन रहेको भिडियोमा तीर्थराज बस्नेत, विष्णुमाया भूर्तेल, सपना तिवारी, सुनिता नेपालीलगायतले अभिनय गरेका छन् । गीत नमस्ते पोखरा ब्रोडकास्टिङ स्टुडियोको युटव च्यानलमार्फत सार्वजनिक भएको हो । नारी प्रतिभा वाङ्मय प्रतिष्ठानको तेस्रो स्थापना दिवस अवसरमा आयोजित समारोहको अध्यक्षता प्रतिष्ठान अध्यक्ष छन्दिका त्रिपाठीले गरेकी थिइन् । कार्यक्रम संचालन सचिव लक्ष्मी थापाले गरेकी हुन् ।
स्रष्टा वाग्लेको यसअघि आइन छोरी भनेर, नरोए आमा २०७५, जागिरे नारीको पीडा भाग–१, गरिन गुनासो, जागिरे नारी भाग–२, सहरको सुविधा र म, दर्जा बेरोजगारको, आउ संगी रमाइलो गरौं बरिलै, रमाइलो माइतैमा र जड्याँह पोइ बजारमा आइसकेका छन् ।
Related News
सम्बन्धित समाचार
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
hero news full width
मुख्य समाचार
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१