म्याग्दी । म्याग्दी सदरमुकाम बेनी बजारस्थित क्याम्पसचोक क्षेत्र पहिरोको उच्च जोखिममा परेको छ । बजारमाथि रहेको खरेनी र खोरियाको पाखोमा पहिरो चल्न थालेपछि बेनी नगरपालिका ८ स्थित क्याम्पसचोक, गणेशटोल, पीपलचोक र कालीपुल जोखिममा परेको हो । पहिरोको फेदीमा रहेको बजार क्षेत्रमा बाढी आउने जोखिम रहेको खोरियाका नारायण शर्माले बताए । उनकाअनुसार बेनी नगरपालिका वडा नम्बर ६ र ८ को सिमानमा पर्ने उक्त क्षेत्रमा करिब २ वर्षदेखि सुरु भएको पहिरो खस्न अझै रोकिएको छैन ।
करिब ३ सय घर पहिरो र बाढीको जोखिममा रहेका छन् । क्याम्पसचोकदेखि करिब ८ सय मिटरमाथिको पाखोमा २ वटा पहिरो क्षेत्र छन् । सो क्षेत्र करिब ५ सय मिटर लम्बाइ र ५ सय मिटर चौडाइ क्षेत्रफलमा फैलिएको छ । ‘यो क्षेत्रमा करिब २ वर्षदेखि पहिरो खस्न थालेको हो । गत वर्ष साउनमा पहिलेको भन्दा ठूलो पहिरो खस्दा पाखो क्षेत्रको ठूलो भूभाग झनै चिरा–चिरा परेको छ,’ उनले भने ‘यो पहिरोले ४ वटा टोल र म्याग्दी बहुमुखी क्याम्पससमेत जोखिममा परेको छ ।’
पहिरोले साबिकको ठाउँभन्दा करिब ४ मिटर तल जमिन लच्किएको छ । बलौटे माटो भएको पाखोमा जमनि धाँजा फाटेर करिब २ सयभन्दा बढी सल्लाका रुख ढलेका छन् । बेनी नगरपालिका ६ मा पर्ने आँपको रुख क्षेत्र जोड्ने सडकका कारण पहिरो सिर्जना भएको खोरियाकी निशा सुवेदीले बताइन् । उनकाअनुसार अनुसार सडक खन्दा डोजरले पाखोमा फालेको माटो बगेर सिर्जना भएको पहिरोले ठूलो रुप लिन थालेको हो ।
क्याम्पसचोक क्षेत्रमा बाढीको निकासका लागि बेनी नगरपालिकाले घर खरिद गरेर नाली बनाएको भए पनि सो नालीको क्षमताभन्दा ठूलो बाढी आउने गरी नयाँ पहिरो सिर्जना भएपछि बजारबासी चिन्तित भएका छन् । सल्लाको जंगलबीचमा खनिएको सडकको तल र माथि दुवैतर्फ पहिरोले जमिन भासिएको छ ।
पहिरोका कारण सामान्य वर्षात् हुँदा समेत क्याम्पसचोक र कालीपुल क्षेत्रमा बाढी आउन थालेको छ । करिब १२ बर्षदेखि क्याम्पसचोकमा बर्खा याममा पाखोबाट आउने बाढी पसेर डुबान हुने समस्या छ । वडा नम्बर ८ का वडा सदस्य हीराबहादुर पुनकाअनुसार गतवर्ष पहिरोको फेदीदेखि क्याम्पसचोक हुँदै कालीपुलको मोटरेबल पुलसम्म नहर बनाएर खोल्साको पानी र बाढी व्यवस्थापन गरिएको छ ।
Related News
सम्बन्धित समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
मानव सेवा अश्रममा खाना खुवाइयो
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१