पोखरा । नाडा अटोमोवाइल्स एसोसिएसन अफ नेपालको आयोजनामा हुने भनिएको नाडा अटो एक्सपो २०२२ स्थगित गरिएको छ । संस्थाले आगामी भदौ ७ देखि १२ सम्म काठमाडौंको भृकुटी मण्डपमा सो एक्सपो गर्ने तयारी गरेको थियोे ।

तर सरकारले कार, जीप र भ्यानको आयातमा लगाएको प्रतिबन्ध साउन १ देखि खोल्ने भनिएकोमा सो समयावधि अझ थप गरेर भदौ १४ सम्म पुर्‍याएको तथा १ सय ५० सिसीभन्दा माथिका दुईपाङ्गे्र सवारीसाधन आयातमा समेत थप प्रतिबन्ध लगाएपछि एक्सपो स्थगित गर्ने निर्णय गरिएको जनाइएको छ ।

नाडाका अध्यक्ष धु्रव थापाको अध्यक्षतामा काठमाडौंमा बसेको नाडाको केन्द्रीय कार्य समितिको सातौं बैठकले यस्तो निर्णय गरेको नाडा अटो एक्सपो समितिका सभापति अनुप बरालले जानकारी दिए ।