पोखरा । गण्डकी प्रदेशसभा बैठक १७ दिनदेखि स्थगित छ । ७ प्रदेशमध्ये अधिकांशको बजेट पारित भैसक्दा गण्डकीमा अझै छलफल सुरु भएको छैन । सांसदले बाँड्न पाउने निर्वाचन क्षेत्र पूर्वाधार विकास कार्यक्रम अर्थमन्त्री रामजीप्रसाद बराल जीवनले बजेटमा नराखेपछि उत्पन्न विवाद झाँगिंदै गएको छ । लामो समय बजेटमाथि छलफल अघि नबढ्दा सत्ता गठबन्धनका सांसद र स्वयं मन्त्रीहरु नै मुख्यमन्त्रीको निर्णय क्षमतामाथि प्रश्न उठाउन थालेका छन् ।
‘मुख्यमन्त्रीज्यूले निर्णय लिन सक्नुभएन । सबैका अगाडि निर्वाचन क्षेत्र पूर्वाधार विकास कार्यक्रम राख्ने सहमति भए पनि अर्थमन्त्रीले राख्नुभएन । त्यस्तो अर्थमन्त्रीलाई अब कुरिराख्नुपर्ने किन ?,’ एक मन्त्रीले भने, ‘मुख्यमन्त्रीले भनेको पनि नमान्न त पाइएन नि । म भएको भए, १० पल्ट फायर गरिसक्थें ।’ पार्टीभित्र र गठबन्धनका सांसदले समेत अर्थमन्त्रीको राजीनामा मागेका छन् ।
प्रमुख प्रतिपक्षी दल नेकपा (एमाले) ले पनि मुख्यमन्त्रीको निर्देशन नमाने अर्थमन्त्रीलाई बर्खास्त गर्नुपर्ने सुझाव दिएको छ । गण्डकीका पूर्व मुख्यमन्त्री समेत रहेका एमाले संसदीय दलका नेता पृथ्वीसुब्बा गुरुङले अर्थमन्त्रीलाई कारबाही गर्न नसके मुख्यमन्त्रीले नै राजीनामा दिनुपर्ने यसअघि नै बताएका छन् । पत्रकार सम्मेलनमा एमाले उपमहासचिव समेत रहेका उनले भने, ‘यति लामो समयसम्म बजेट छलफल अघि बढेको छैन । मुख्यमन्त्रीले निर्देशन दिएको कार्यक्रम अर्थमन्त्रीले नराखेपछि, मुख्यमन्त्रीले भनेको नमानेपछि अर्थमन्त्रीलाई हटाउनुपर्छ । अर्थमन्त्री हटाउन नसक्ने हो भने मुख्यमन्त्री आफैंले राजीनामा दिनुपर्छ ।’
अर्थमन्त्री बरालले असार १ गते बजेट पेस गर्ने बेलामा मुख्यमन्त्री कृष्णचन्द्र नेपाली पोखरेलले निर्वाचन क्षेत्र पूर्वाधार विकास कार्यक्रम जुनसुकै हालतमा राख्न निर्देशन दिएका थिए । बरालले भने कार्यक्रम राख्ने प्रतिबद्धता जनाएर पनि कार्यक्रम राखेनन् । त्यसअघि गठबन्धनको बैठकले पनि उक्त कार्यक्रम राख्न निर्देशन दिएको थियो । कार्यक्रम नराखेपछि कांग्रेस र माओवादीले आ–आफ्नै दलको बैठक राखेर निर्वाचन क्षेत्र पूर्वाधार विकास कार्यक्रम अनिवार्यरुपमा राख्नुपर्ने निर्णय गरे । ‘दलको बैठकमा राख्छु भन्नुभयो । मुख्यमन्त्रीको निर्देशनपछि पनि हुन्छ भन्नुभयो तर किन राख्नुभएन ?,’ माओवादीका एक सांसदले भने, ‘यसरी मुख्यमन्त्रीलाई नै झुट बोल्न मिल्छ ? यो सरासर गलत हो । मुख्यमन्त्रीले एक्सन लिनैपर्छ ।’
यसअघि, माओवादीका केही सांसदहरुले मुख्यमन्त्रीलाई भेटेर एक्सन लिन सुझाव दिएका थिए । ‘माओवादीभित्र उहाँलाई मन्त्री राख्नुपर्छ भन्ने लविङ छैन । पार्टीका नेताहरु पनि उहाँलाई जोगाउने पक्षमा हुनुहुन्न,’ ती सांसदले भने, ‘यति सजिलो हुँदा पनि मुख्यमन्त्री किन चुप लागिरहनुभएको हो ? यो मौनताको रहस्य बुझिएन ।’
अर्थमन्त्रीले बैठकमा गल्ती सच्याउने सहमति जनाएर जाने तर पछि फेरि आफ्नै सहमतिबाट पछि हट्ने गरेका कारण झनै समस्या परेको मन्त्रीहरु बताउँछन् ।
शनिबार बसेको बैठक भने सकारात्मक बाटोमा रहेको बैठकका एक सहभागीले बताए । ‘सहमति करिब जुटेको छ । बैठक सकारात्मक छ । अर्थमन्त्रीज्यू सच्याउन तयार हुनुभएको छ,’ उनले भने, ‘निर्वाचन क्षेत्र पूर्वाधार विकास कार्यक्रम नाममा नसके शीर्षक फेरेर कार्यक्रम ल्याउँछु भन्नुभएको छ । अब निकास निस्किन्छ ।’ संसदको गतिरोध अन्त्यका लागि अर्थ तथा विकास समितिले बोलाएको बैठक भने सदस्यहरु उपस्थित नभएर स्थगित भएको थियो ।
सोमबार संसद बैठक
गण्डकी प्रदेश सभाको लामो समयदेखि स्थगित संसद असार २० गते सोमबारका लागि बोलाइएको छ । प्रदेशसभा सचिवालयले संसद बैठक बस्न सबै सदस्यलाई जानकारी गराइसकेको बताइएको छ । सो पूर्व कार्यव्यवस्था समितिको बैठक बस्नेछ । संसद बैठक बस्ने भएपछि प्रदेशका मुख्यमन्त्री र अर्थमन्त्रीबीच सहमति भएको भनिए पनि के सहमति भएको खुलेको छैन ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१