पोखरा । पोखराको पस्र्याङ निवासी कृष्णप्रसाद/सीता कोइराला परिवारले आफ्ना छोरा राजेशको स्मृतिमा वाराही माविमा अक्षयकोष स्थापना गरेका छन् ।

उनीहरुले बिहीबार एक समारोहबीच १ लाख ५१ हजारको अक्षयकोष स्थापना गरेका हुन् । जसमार्फत बिरामी विद्यार्थी उपचारमा सहयोग पुग्ने अपेक्षा गरिएको छ ।

कार्यक्रममा विद्यालय व्यवस्थापन समिति अध्यक्ष निर्मल खत्रीले कोषदातालाई धन्यवाद ज्ञापन गर्दै असल कर्मको अनुशरण सबैले गर्नुपर्ने औंल्याए ।

विद्यालय प्रअ शिवप्रसाद भण्डारीले कोष तथा सहयोगदाता कोइराला परिवारबारे प्रकाश पारे । उक्त कार्यक्रम शिक्षक सुरेशकुमार पौडेलले संचालन गरेका थिए ।