पोखरा । पुतलीबजार नगर कार्यपालिकाको पहिलो बैठकले शिक्षा ऐन संशोधन गर्ने निर्णय अन्ततः अदालतले कार्यान्वयन नगर्न÷नगराउन आदेश जारी गरेको छ । उच्च अदालत पोखराका न्यायाधीश उज्ज्वल शुक्लको एकल इजलासले मंगलबार विपक्षीको नाउँमा अन्तरिम आदेश जारी गरेको हो ।
गत वैशाख ३० को निर्वाचनपछि नगर कार्यपालिकाको बैठकले गत जेठ १७ गते निर्णयमध्ये निर्णय नम्बर ९ तत्काल कार्यान्वयन नगर्न नगराउन विपक्षीको नाउँमा अन्तरिम आदेश जारी गरेको हो । कार्यपालिकाको निर्णयको विरुद्धमा स्याङ्जाकै सबैभन्दा पुरानो मातृभूमि माविका व्यवस्थापन समितिका अध्यक्ष ध्रुवराज शर्माले गत असार ५ मा उच्च अदालत पोखरामा उत्प्रेषण परमादेश रिट दायर गरेका थिए । मुद्दामा पुतलीबजार नगरकार्यपालिका समेतलाई विपक्षी बनाइएको थियो ।
निवेदकको तर्फबाट अधिवक्ता सुरेन्द्र थापामगर, जूनाकुमारी गुरुङ र कृष्णकुमार श्रेष्ठले बहस गरेका थिए भने विपक्षीको तर्फबाट अधिवक्ता जगन्नाथ ढकाल र तुलसी गिरीले बहस गरेका थिए ।
नगरकार्यपालिकाको बैठकले स्थानीय शिक्षा ऐन, २०७५ कार्यान्वयन गर्ने नगराउने र संघीय शिक्षा ऐन, २०२८ बमोजिम सबै काम संचालन गर्ने स्थानीय शिक्षा ऐन, २०७५ बमोजिम गठन भएका विद्यालय व्यवस्थापन समिति र शिक्षक अभिभावक संघहरु विघटन गर्ने भनी निर्णय गरेको थियो । नगरपालिकाभित्र हाल ७७ ओटा विद्यालय छन् ।
सो निर्णयको विरुद्ध निवेदक शर्माले सो निर्णय नेपालको संविधान, शिक्षा ऐन, २०२८ र नगर शिक्षा ऐन, २०७५ विपरीत भएको हुँदा खारेजको माग गर्दै मुद्दा दायर गरेका थिए ।
गत ३० वैशाखको चुनावबाट पुतलीबजार नगरपालिकाको प्रमुखमा सत्ता गठबन्धनका तर्फबाट तुलसी रेग्मी र उपप्रमुखमा देवी अर्याल निर्वाचित भएका थिए ।
Related News
सम्बन्धित समाचार
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
hero news full width
मुख्य समाचार
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१