पोखरा । पोखरा वडा १ का नवनिर्वाचित वडाध्यक्ष शाहारा प्रधानले अपांगता भएका व्यक्ति, गरिब तथा विपन्न विद्यार्थीलाई प्रोत्साहन भत्ता दिने निर्णय गरेका छन् ।
पदभार ग्रहण गर्दै वडाध्यक्ष प्रधानले वडामा अभिलेख गरिएका पूर्ण अपांगता भएका व्यक्तिलाई वार्षिक ५ हजार र आंशिक अपांगता भएका व्यक्तिलाई वार्षिक ३ हजार प्रोत्साहन भत्ता वितरण गरिने पहिलो निर्णय गरेका हुन् । उनले वडाका सामुदायिक विद्यालयका गरिब तथा विपन्न परिवारका विद्यार्थी पहिचान गरी सुनौलो शिक्षा कार्यक्रमको कार्यविधि तयार गरेर वार्षिक ५ हजारका दरले प्रोत्साहन भत्ता उपलब्ध गराउने निर्णयसमेत गरे । उनले आफूले कसैलाई भेदभाव नगरी सेवा प्रवाहमा जोड दिने प्रतिबद्धता जनाए । वडाभित्र सुशासन कायम गर्दै विकास, निर्माणको काममा सबैसँग सहकार्य गर्ने बताए ।
कार्यक्रममा संविधानसभा सदस्य शारदा पौडेलले निर्वाचनमा पराजित उम्मेदवारलाई समेत साथमा लिएर अघि बढ्न सुझाव दिइन् । वडाको विकासका लागि विवादरहित भएर काम गर्न सुझाव उनले एकताबद्ध भएर वडाको विकासमा लाग्नुपर्ने बताइन् । निर्वाचन क्षेत्र निर्धारण आयोगका सदस्य प्राडा विश्वकल्याण पराजुलीले निर्वाचनका क्रममा फरकफरक पार्टीबाट प्रतिस्पर्धा गरे पनि अब भने सबैको साझा जनप्रतिनिधि भएको बताए ।
सो अवसरमा निवर्तमान वडाध्यक्ष शारदाकुमारी पराजुली, वडा सदस्य रूद्र सुवेदी, प्रेमकुमारी शाही, प्रेमदेवी परियारको बिदाइ समेत गरिएको थियो । कार्यक्रममा वडासचिव कमलबहादुर बस्नेत र कर्मचारी विक्रम तिमिल्सिनाले पनि बोलेका थिए ।
स्थानीय तह निर्वाचनबाट वडा १ सदस्यमा जुमकाजी गुरुङ, रामजीप्रसाद पौडेल, शोभा गुरुङ र जुकमाया दमाई निर्वाचित भएका थिए । नेकपा एमालेबाट वडाध्यक्ष सहारा, जुमकाजी, शोभा र जुकमाया निर्वाचित हुँदा रामजी कांग्रेसबाट वडा सदस्य बनेका हुन् ।
Related News
सम्बन्धित समाचार
सहारा क्लब पोखरालाई वर्ष उत्कृष्ट क्लबको अवार्ड
पामेका अनधिकृत संरचनामा महानगरको डोजर
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
hero news full width
मुख्य समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१