पोखरा । सातामा २ दिन सार्वजनिक बिदा दिने प्रचलन प्रधानमन्त्री शेरबहादुर देउवाले २० वर्षअघि नै खारेज गरे पनि अहिले पुनः त्यस्तो व्यवस्था ब्युँताएपछि यसले विविध क्षेत्रमा पर्न सक्ने सकारात्मक र नकारात्मक असरको आकलन सुरु भएको छ ।
२०५९ सालमा देउवा दोस्रो पटक प्रधानमन्त्री हुँदा यस्तो व्यवस्था खारेज गरेका थिए । तत्कालीन प्रधानमन्त्री कृष्णप्रसाद भट्टराईले २०५६ साउन १ देखि काठमाडौं उपत्यकाका लागि दुई दिने बिदाको व्यवस्था लागु गरेका थिए । २०४८ सालमा तत्कालीन प्रशासन सुधार आयोगले इन्धन लगायतको खर्च कटौटी गर्न सकिने र प्रशासन सञ्चालन सहज हुने भन्दै सातामा २ दिन बिदाको सिफारिस गरेबमोजिम २०५६ सालबाट निर्णय कार्यान्वयनमा गएको थियो ।
कर्मचारी र कामदारको उत्पादकत्व वृद्धि गर्न थुप्रै विदेशी मुलुकमा सातामा २ दिन बिदाको प्रचालन भए पनि नेपालमा भने फरक प्रसंगमा यो निर्णय निर्णय पुनः कार्यान्वयनमा जाने चरणमा छ । अर्थतन्त्र संकटग्रस्त बन्दै गएपछि इन्धनको खपत घटाउन भन्दै आउँदो जेठ १ देखि यो व्यवस्था सरकारले कार्यान्वयन गर्न गत वैशाख १३ को मन्त्रिपरिषद्मार्फत निर्णय गराएको छ ।
नेपाल आयल निगमले इन्धन खपत घटाउन उद्योग वाणिज्य तथा आपूर्ति मन्त्रालयलाई सातामा २ दिन बिदाको प्रस्ताव गरेको थियो । यसैगरी नेपाल राष्ट्र बैंकले पनि सरकारी खर्च घटाउन र कर्मचारीको सेवा प्रवाहमा सुधार ल्याउन भन्दै सोही प्रकारको प्रस्ताव सरकारसँग गरेको थियो । यिनै प्रस्तावका कारण पनि शनिबार र आइतबार सार्वजनिक बिदाको निर्णय कार्यान्वयनमा जान लागेको हो ।
उसो त तत्कालीन पर्यटन मन्त्री योगेश भट्टराईले पनि २ दिन बिदाका लागि पहल गरेका थिए । कोरोनाले अस्तव्यस्त बनाएको पर्यटनलाई उकास्न भन्दै २०७७ असोज ८ मा पर्यटन मन्त्रालयका तत्कालीन सहसचिव कमलप्रसाद भट्टराईको संयोजकत्वमा अध्ययनका लागि भन्दै मन्त्रालयले समिति नै गठन गरेको थियो ।
प्रधानमन्त्री भट्टराईले २०५६ मा काठमाडौं उपत्यकाका लागि दुई दिने बिदाको व्यवस्था लागु गरेकोमा देउवाले खारेज गरेका थिए ।
भट्टराईले नेतृत्व गरेको समितिले कर्मचारी र कार्यालय तथा संस्थाको उत्पादकत्व बढ्ने, पर्यटन प्रवद्र्धन हुने र सरकारी खर्च कम हुने भन्दै छलफलको मस्यौदामा २ दिने बिदाको सिफारिस गरेको थियो । यसैगरी सामाजिक दृष्टिले लैंगिक समानता कायम गर्न सघाउ पुग्ने, पारिवारिक सामीप्यता बढ्ने, काम र व्यक्तिगत जीवनबीच सन्तुलन कार्यम गर्न सहयोग पुग्ने र पर्यावरणीय सन्तुलनमा समेत टेवा पुग्ने भन्दै समितिले निस्कर्ष दिएको थियो ।
पोखराका पर्यटन व्यवसायीहरुको छाता संस्था पोखरा पर्यटन परिषद्का अध्यक्ष गोपीबहादुर भट्टराईले यो निर्णयबाट आन्तरिक पर्यटकको चहलपहल र आर्थिक गतिविधि बढ्ने बताउँछन् । यसैगरी होटल संघ पोखरा नेपालले समेत विज्ञप्ति जारी गरी त्यस्तो व्यवस्थाको स्वागत गरेको थियो । संघका अध्यक्ष लक्ष्मण सुवेदीले कोरोनाले थलिएको पर्यटन उकास्न सहयोग हुने भन्दै निर्णयको स्वागत गरे ।
कर्मचारीले साढे ९ देखि साढे ५ बजेसम्म काम गर्ने गरी सरकारले गरेको दुई दिने बिदा व्यवस्था अधिकांश अभिभावकले भने निको मानेका छैनन् । यस्तो व्यवस्थाले पठनपाठन समस्या पर्ने उनीहरुको तर्क छ । पुँजीबजारका लगानीकर्ताले समेत यो व्यवस्थाको आलोचना गर्दै शुक्रबार पनि धितोपत्रको कारोबार खुला गर्न माग गरेका छन् ।
कर्मचारीको उत्पादकत्व बढाउन विदेशमा सामान्यतया सातामा ४० घण्टा काम गर्ने र २ दिन बिदाको प्रचालन रहे पनि नेपालका हकमा यस्तो व्यवस्थाले नकारात्मक असर पर्ने हो कि भन्ने कतिपय विज्ञको चिन्ता छ । विकसित देशमा चुस्त सेवाप्रवाह, अनलाइनमार्फत सेवा दिने र सहज यातायात हुँदा २ दिने बिदा व्यवहारिक भए पनि नेपालमा त्यस्तो नहुँदा यो व्यवस्था पुनः असफल हुने हो कि भन्ने आशंका छँदै छ ।
Related News
सम्बन्धित समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जिभिपी युके लन्डनलाई भलिबल उपाधि
एचआइभी संक्रमणले पढाइबाट वञ्चित
हातपात अभियोगमा पक्राउ
तमु धिंको ४० औं स्थापना दिवसमा गण्डकीका मन्त्रीहरुको सम्मान
hero news full width
मुख्य समाचार
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१