पोखरा । नयाँ मोदी–लेखनाथ १३२ केभी डबल सर्किट प्रसारण लाइन आयोजनाअन्तर्गत लाहाचोक सबस्टेसन उद्घाटन गरिएको छ । संघीय सरकारका ऊर्जा, जलस्रोत तथा सिंचाइमन्त्री पम्फा भुसालले सोमबार माछापुच्छ्रे ४ मा १३२ लाहाचोक सबस्टेसन उद्घाटन गरिन् ।
मन्त्री भुसालले विगतमा बत्ती बाल्ने कुरामात्रैै चर्चा हुने गरेकोमा अब उद्योग कलकारखाना, यातायातलगायत सबै क्षेत्रमा विद्युतको उपभोग गर्ने अवस्थामा पुगिएको र नेपाल ऊर्जामा आत्मनिर्भर बन्नेतर्फ अगाडि बढेको बताइन् । उनले आन्तरिकरुपमा खपत गरेर बढी भएको विद्युत निर्यात गरी नेपालले बेहोरिरहेको व्यापार घाटा कम गरिने उल्लेख गर्दै मन्त्री भुसालले अहिले हिउँदका केही महिनामात्र विद्युत आयात गर्नुपर्ने अवस्था रहेको बताइन् ।
गण्डकी प्रदेश सरकारका अर्थमन्त्री रामजी बरालले प्रसारण लाइन निर्माणमा स्थानीयले उठाएको वास्तविक समस्या सम्बोधन गरी आयोजना निर्माण गरिनु पर्नेमा जोड दिए । ऊर्जा, जलस्रोत तथा सिंचाइ मन्त्रालयका सचिव देवेन्द्र कार्कीले आयोजनाप्रति स्थानीयको अपनत्व बढाउन निर्माणका क्रममा स्थानीयले उठाएका जायज माग सम्बोधन गरिने बताए ।
नेपाल विद्युत प्राधिकरणका कार्यकारी निर्देशक कुलमान घिसिङले प्रसारण लाइन र सबस्टेसन सञ्चालनमा आएपछि विद्युत आपूर्ति गुणस्तरीय तथा भरपर्दो भएको र सो क्षेत्रमा निर्माणाधीन विभिन्न जलविद्युत आयोजनाबाट उत्पादित विद्युत राष्ट्रिय ग्रिडमा प्रवाह गर्न पूर्वाधार तयार भएको बताए ।
भारतको विदेश मन्त्रालयका सहसचिव श्रीधरण मधुसुदनले प्रसारण लाइन तथा सबस्टेसनको निर्माण नेपाल र भारतबीचको सहयोग मात्रै नभएर महत्वपूर्ण क्षेत्रमा विकास साझेदारी भएको बताए । उनले नेपालको ऊर्जा क्षेत्रको विकासमा भारतको सहयोग र साझेदारीमा निरन्तरता रहने प्रतिबद्धता जनाए । एक्जिम बैंकका महाप्रबन्धक सरोज कुन्टियाले बैंकले नेपालमा १७ वर्षदेखि सहयोग गरिरहेको बताउँदै प्रसारण लाइन र सबस्टेसनको निर्माणले स्थानीय समुदायलाई पनि लाभ दिने विश्वास व्यक्त गरे ।
गाउँपालिका अध्यक्ष कर्णबहादुर गुरुङले सो क्षेत्रमा १४३ मेगावाट विद्युत उत्पादन हुने सम्भावना रहेको बताउँदै आयोजना निर्माणमा स्थानीयको पीरमर्काको उचित सम्बोधन गर्न आग्रह गरे ।
लाहाचोक सबस्टेसनबाट माछापुच्छ्रे, अन्नपूर्ण गाउँपालिका र पोखरा महानगरपालिकामा विद्युत आपूर्ति दिइएको छ
सबस्टेसनमा १३२/३३ केभी, ३० एमभिए र ३३/११ केभी, ८ एमभिएका पावर ट्रान्सफर्मर छन् । सबस्टेसनमा स्थानीय रुपमा विद्युत आपूर्तिका लागि ३३ केभीका १ वटा लाइन बे र ४ वटा ११ केभीका फिडर छन् । आयोजनाअन्तर्गत मोदी–२ देउपुरको सबस्टेसनबाट लाहाचोकसम्म १३२ केभी प्रसारण लाइन निर्माण सम्पन्न भई सञ्चालनमा आइसकेको छ । नयाँ मोदी १३२ केभी स्विचिङ स्टेसनमार्फत मोदी जलविद्युत केन्द्र हुँदै लाहाचोक सबस्टेसन राष्ट्रिय ग्रिडमा जोडिएको छ । साथै सबस्टेसनबाट हेमजा ३३/११ केभी सबस्टेसन पनि जोडिने छ ।
लाहाचोक सबस्टेसनबाट माछापुच्छ्रे, अन्नपूर्ण गाउँपालिका र पोखरा महानगरपालिकामा विद्युत आपूर्ति दिइएको छ । यसबाट त्यस क्षेत्रको विद्युत आपूर्ति गुणस्तरीय र भरपर्दो भएको छ । पोखराबाट त्यस क्षेत्रमा विद्युत आपूर्तिको लगिएको लाइन लामो हुँदा ट्रिपिङ, लो भोल्टेज लगायत समस्या थियो । अब लाहाचोक सबस्टेसनबाट आपूर्ति दिंदा त्यस क्षेत्रको विद्युत सेवा सुधार भई उपभोक्ताले भरपर्दो र गुणस्तरीय विद्युत पाएका छन् ।
पर्वत, कास्कीलगायत जिल्लाको विद्युत आपूर्ति सुधार गर्न र मोदी, सेती, मादीमा निर्माण हुने जलविद्युत आयोजनाको विद्युत प्रवाहका लागि नयाँ मोदी–लेखनाथ प्रसारण लाइन आयोजना निर्माण सुरु गरिएको हो । कुल लागत २ अर्ब २४ करोड रहेको आयोजनामा नेपाल सरकार तथा विद्युत प्राधिकरणको लगानी र आयात निर्यात (एक्जिम) बैंकको सहुलियतपूर्ण ऋण रहेको छ ।
नयाँ मोदी–लेखनाथ प्रसारण लाइन आयोजनाअन्तर्गत नयाँ मोदीमा १३२ केभी स्विचिङ सबस्टेसन, लाहाचोकमा नयाँ सबस्टेसन र लेखनाथ सबस्टेसनको स्विचयार्डमा १३२ केभी लाइनको बे निर्माण भएको छ । सबस्टेसन बनाउन हिताची इनर्जी भारतसँग ठेक्का सम्झौता भएको थियो ।
प्रसारण लाइन निर्माण्मा कलपत्रु पावर ट्रान्समिसन, भारतसँग ठेक्का सम्झौता भएको थियो । आयोजनाअन्तर्गत नयाँ मोदी–लाहाचोक प्रसारण लाइन खण्ड निर्माण सम्पन्न भई लाइन सञ्चालनमा आइसकेको छ भने लाहाचोक–लेखनाथ खण्ड निर्माणाधीन छ । लाहाचोक–लेखनाथ खण्डको ७५ वटा टावरमध्ये १९ वटा को निर्माण बाँकी छ । माच्छापुच्छ«े गाउँपालिका र पोखरा महानगरपालिको विभिन्न ठाउँका स्थानीयले प्रसारण लाइनको रुट परिवर्तन माग गर्दै अवरोध गरेले निर्माण प्रभावित भएको छ । प्रसारण लाइनको लम्बाइ ४३ किमी छ ।
Related News
सम्बन्धित समाचार
गण्डकीमा थुप्रिए रुग्ण र समस्याग्रस्त योजना
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
लोकतान्त्रिक आन्दोलनका जिउँदा सहिद खगेन्द्र सर
वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
मातहतका कार्यालयको दैनिक प्रगति पेस गर्न मुख्यमन्त्री अधिकारीको निर्देशन
hero news full width
मुख्य समाचार
पर्वत र बागलुङका सिडिओ फेरिए
जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१बलात्कार मुद्दामा सन्दीप लामिछानेले पाए सफाइ
जेठ २, २०८१