पोखरा । कवि एवं गीतकार दुर्गाबहादुर शाह ‘बाबा’ द्वारा रचना गरिएका कविताहरूको सँगालो ‘दोसाँध’ पोखरा उद्योग वाणिज्य संघको अमृत कक्षामा एक समारोहबिच नेपाली साहित्यका बहुप्रतिभाशाली व्यक्तित्व प्रकाश सायमीले लोकार्पण गरे ।
लोकार्पण गर्दै प्रस्तोता, साहित्यकार एवं चलचित्र निर्देशक सायमीले कुनै पनि साहित्यिक कृति कुनै पनि पाठकका लागि सुन्दर हुन सक्छ र त्यो कृति निश्चित मापदण्डभित्र पर्नै पर्छ भन्ने हुँदैन भन्दै प्राज्ञिक समूहभित्र पर्न कविता लेखन अनिवार्य भएको बताए । हरेक स्रष्टा र कृतिका आ–आफ्नै पाठक हुने भएकाले कृति सर्वप्रिय हुनैपर्छ भन्ने मान्यतासमेत राख्न नहुने विचार व्यक्त गरे । पुरस्कृत कृति मात्रै सर्वोत्कृष्ट हुने र अन्य कृति निकृष्ट हुने धारणा पनि गलत हो भन्ने तर्क राख्दै उनले कविता सर्वाधिक लोकप्रिय साहित्यिक विधा हो भएको बताए । उच्च अदातल कास्की, पोखराका मुख्य न्यायाधीश डिल्लीराज आचार्य, अतिथि विम्बकवि रमेश श्रेष्ठ, प्राडा रामनाथ ओझा, पद्मकिरण रानालगायतले बोलेका थिए ।
लोकार्पित कृति ‘दोसाँध’ को समीक्षा रूपिन्द्र प्रभावीले गरेका थिए भने स्रष्टाको कृतिगत परिचय नगेन्द्रप्रसाद पौडेलले दिए । लीली अधिकारीले ‘दोसाँध’ बाट आफूलाई मनपरेको एक कविता वाचन गरेकी थिइन् । कवि एवं गीतकार दुर्गाबहादुर शाह ‘बाबा’ लाई सार्क राष्ट्रका महासचिवद्वारा पठाइएको शुभकामनापत्र समेत वाचन गरेर सुनाइएको थियो । स्रष्टा शाहले आफ्नो उपनाम ‘बाबा’ को अर्थ फराकिलो सोंच, शैक्षिक, विश्वासयोग्य र उपलब्धिमूलक व्यक्ति भएको हो भनी स्पष्ट पार्दै आफूले लामो समयको अन्तरालपछि कवितागत दोस्रो कृति पाठकमाझ ल्याएको भए तापनि साहित्यका अन्य विधामा समेत कलम चलाउँदै आएको उल्लेख गरे । हालसम्म कविता र गीतका समेत गरी ५ वटा कृति पाठक तथा दर्शकसामु पस्किसकेको बताउँदै आगामी दिनमा समेत यसलाई निरन्तरता दिँदै जाने बताए । अन्तर्राष्ट्रिय नेपाली साहित्य समाज, नेपाल गण्डकी प्रदेशको आयोजनामा भएको कार्यक्रमको अध्यक्षता दुर्गा न्यौपाने र सञ्चालन असफल गौतमले गरेका थिए ।
Related News
सम्बन्धित समाचार
हेमजा साहित्य प्रतिष्ठानमा चूडामणि खनालको स्मरण
अक्षरयात्राको २१० औं शृंखला खास्टेतालमा
छन्द बचाऊँ वाचनकला पुरस्कारबाट त्रिपाठी सम्मानित
सबीको अपरिभाषित आभा लोकार्पित
छन्द बचाऊँ वाचनकला पुरस्कारबाट त्रिपाठी सम्मानित
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१