पोखरा । नेपाल कम्युनिस्ट पार्टी (माओवादी केन्द्र) को महाधिवेशन तयारीस्वरुप अहिले प्रारम्भिक कमिटी अधिवेशन सुरु भएको छ । शनिबार देशैभरका वडाहरुमा एकैपटक वडा कमिटी अधिवेशन सुरु भयो ।
वडा सम्मेलन उत्साहजनकरूपमा सम्पन्न भएको माओवादीका केन्द्रीय कार्यालय सचिव श्रीराम ढकालले जानकारी दिए । सम्मेलन सम्पन्न भएका वडाको तथ्यांक संकलन भइरहेको र आइतबारसम्म त्यसको विवरण सार्वजनिक हुने उनले बताए ।
प्राविधिक कारणका कारण केही वडामा सम्मेलन हुन नसकेको र आइतबारसम्म सबै वडामा नयाँ नेतृत्व चयन हुने उनको भनाइ छ । नेकपा (माओवादी केन्द्र) ले शनिबारका लागि देशभरका ६ हजार ७ सय ४३ वडामा सम्मेलन गरेको हो ।
यता, कास्की जिल्लाका ७२ वडामा अधिवेशन एकै पटक सुरु भयो । शनिबार सकिएका अधिवेशनमा माओवादीले पनि नेपाली कांग्रेस र नेकपा (एमाले) ले झंै महिलालाई नेतृत्व दिन हिचकिचाएको छ । जिल्लाका ७२ मध्ये २८ वडाको नतिजा शनिबार आउँदा ती सबैको नेतृत्व महिलाविहीन छ ।
पोखरा महानगरपालिका वडा १ मा रुद्र लुइँटेलको अध्यक्षतामा ३५ सदस्सीय कमिटी सर्वसम्मत चयन गरिएको छ ।
पोखरा ६ अध्यक्षमा कृष्ण आचार्य चयन भए । कमिटी उपाध्यक्षमा नारायण सापकोटा, सचिव मदन पहारी, सहसचिव विजयकुमार प्रधान र कोषाध्यक्षमा रमेश पहारी छन् । पोखरा ८ मा हिराकाजी श्रेष्ठ अध्यक्ष चयन भए । उपाध्यक्षमा रामजी घिमिरे, सचिव हरिशचन्द्र मानन्धर, सहसचिव विवेक भुजेल र कोषाध्यक्ष नानीमाया गुरुङ चयन भए ।
पोखरा १६ अध्यक्षमा निर्मल आचार्य सर्वसम्मत निर्वाचित भएका छन् । उपाध्यक्षमा गोमा परियार, सचिव जीवन बस्नेत, सहसचिव सविना राना र कोषाध्यक्ष भीमबहादुर गुरुङ छन् ।
यस्तै, पोखरा ११ अध्यक्षमा मनोज रसाइली तथा उपाध्यक्षमा विष्णुप्रसाद आचार्य,सचिव चिन्तामणि खरेल, सहसचिव सरिता विक र कोषाध्यक्ष उषा विश्वकर्मा छन् । पोखरा २२ अध्यक्षमा नवराज बराल, उपाध्यक्ष कृष्णप्रसाद बराल, सचिव मीनराज बराल, कोषाध्यक्ष कमला बराल र सहसचिव राजकुमार गुरुङ छन् । वडा ३३ अध्यक्षमा श्रीभद्र बराल चयन भएको पार्टीका नेकपा (माओवादी केन्द्र) कास्की इन्चार्ज राजकाजी गुरुङ ‘करण’ ले जानकारी दिए ।
कास्कीको माछापुच्छ्रे गाउँपालिका वडा २ को प्रथम अधिवशेनले पुष्पराज गौतमको अध्यक्षतामा ११ सदस्सीय वडा कमिटी निर्वाचित गरेको छ । गाउँपालिका वडा ३ अध्यक्षमा नारायण दवाडी, वडा ८ अध्यक्षमा गणेश आचार्य निर्वाचित भए ।
यस्तै, पार्टीको अन्नपूर्ण गाउँपालिका वडा ३ अध्यक्षमा विष्णुप्रसाद पौडेल चयन भए । वडा ५ मा दीपेन्द्र गिरीको अध्यक्षतामा नयाँ कमिटी गठन भएको छ ।
यता, रुपाका केही वडामा पनि कमिटी गठन भएको छ । वडा १, अध्यक्षमा पुष्पराज खनाल, वडा ३ अध्यक्षमा सन्तबहादुर भुजेल, वडा ४ अध्यक्षमा नवराज रेग्मी, वडा ७ मा माधव पौडेल निर्वाचित भएको नेकपा (माओवादी केन्द्र) ले जनाएको छ ।
मादी गाउँपालिकाका १२ वटै वडामा अधिवेशनबाट नेतृत्व चयन गरिएको छ । वडा १ अध्यक्षमा टीकप्रसाद गुरुङ, २ मा मेघराज गुरुङ, ३ मा बेलबहादुर गुरुङ अध्यक्षमा चयन भए । यस्तै, वडा ४ मा नवराज पौडेल, वडा ५ मा भवानी शंकर बास्तोला, वडा ६ मा दीपक परियार, वडा ७ मा दुर्गाबहादुर गुरुङ, वडा ८ मा होमबहादुर गुरुङ, वडा ९ मा विजयराज अधिकारी अध्यक्ष बने । साथै, वडा १० मा रामप्रसाद पौडेल, वडा ११ मा बुद्धिनाथ खनाल र वडा १२ मा लेखनाथ बराल अध्यक्ष चयन भए । अन्य वडामा प्रक्रिया सुरु भएको पार्टीका जिल्ला इन्चार्ज राजकाजी गुरुङ ‘करण’ ले जानकारी दिए ।
पछिल्लो समय सांगठनिक सुदृढीकरणमा जुटेको माओवादीले यही मंसिर ११ मा पालिका सम्मेलन गर्ने तयारी गरेको छ । साथै मंसिर २५ मा प्रदेश सम्मेलन हुनेछ । माओवादीले आगामी पुस ११ देखि १३ गतेसम्म काठमाडौंमा राष्ट्रिय सम्मेलनको आयोजना गरेको छ ।
Related News
सम्बन्धित समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जिभिपी युके लन्डनलाई भलिबल उपाधि
एचआइभी संक्रमणले पढाइबाट वञ्चित
हातपात अभियोगमा पक्राउ
तमु धिंको ४० औं स्थापना दिवसमा गण्डकीका मन्त्रीहरुको सम्मान
hero news full width
मुख्य समाचार
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१