पोखरा । नेपाल तेक्वान्दो संघ गण्डकी प्रदेश र कास्की जिल्ला समितिले दसैंतिहार, नेपाल संवत्, छठ लगायत पर्वको अवसरमा बिहीबार शुभकामना आदानप्रदान कार्यक्रम गरेको छ । साथै संघको केन्द्रीय समितिका पदाधिकारीलाई बधाई तथा खेलाडी सम्मानसमेत गरियो ।
१० औं कोरियन एम्बेस्डर खुला पुम्से राष्ट्रिय तेक्वान्दोको यु–११ विधामा स्वण विजेता पोखरा अब्स्ल्युट डोजाङका खेलाडी गुनमाया गुरुङ र सुवन गुरुङलाई जनही ५ हजारसहित सम्मान गरिएको हो । उनीहरु कोरियामा हुने यु–११ इभेन्टमा अन्तर्राष्ट्रिय भर्चुअल पुम्सेका लागि छनोटसमेत भएका छन् । यस्तै प्रशिक्षक अब्स्ल्युट डोजाङ प्रमुख तथा कास्की तेक्वान्दो सदस्य रेखमाया गुरुङलाई समेत सम्मान गरिएको थियो ।
कार्यक्रममा प्रदेश खेलकुद परिषद् सदस्यसचिव तेजबहादुर गुरुङले खेल क्षेत्रभित्र नकारात्मक टीकाटिप्पणी उठिरहेको बताए । हरेक कुरा सकारात्मक भएर सोचेमात्रै समाजसँगै खेलकुदको विकास अघि बढ्ने उनको भनाइ छ । उनले प्रदेश खेलकुदले प्रदेशका ११ वटै जिल्लामा ‘ट्यालेन्ट हन्ट’ कार्यक्रममार्फत प्रतिभावान खेलाडीहरुको खोजी गरिने बताए । उनले प्रदेश खेलकुदले चाँडै स्वयंसेवी प्रशिक्षक उत्पादन सुरु गर्न लागेको जनाए ।
तेक्वान्दो संघ गण्डकी अध्यक्ष जगनबहादुर गुरुङले खेलकुदले नै समाजमा सभ्य नागरिक उत्पादन गर्न सक्ने बताए । उनले तेक्वान्दो खेल क्षेत्रमा अरुभन्दा सफल भए पनि राज्यले कुनै सहयोग नगरेकोमा चिन्ता व्यक्त गरे । चौथो महाधिवेशनबाट सात वटै प्रदेश र ५८ जिल्लाबाट प्रतिनिधि सहभागी भएको बताउँदै उनले उक्त अधिवेशन रोक्न चलखेल समेत भएकोमा दुःख व्यक्त गरे ।
कार्यक्रममा प्रदेश खेलकुद परिषद् सदस्य योगेन्द्र शेरचन, जिल्ला खेलकुद विकास समिति कास्की अध्यक्ष तोरणबहादुर बानियाँ, तेक्वान्दो संघ गण्डकी महासचिव रमेश पौडेल, कास्की जिल्ला तेक्वान्दो संघ अध्यक्ष कुमार गुरुङ, सचिव दीपेन्द्र पहारी, सम्मानित प्रशिक्षक रेखमाया गुरुङ लगायतले शुभकामना मन्तव्य व्यक्त गरेका थिए ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१