पोखरा । आजभन्दा २४ वर्षअघि एमाले विभाजन भएर २ पार्टी बन्दा देशभरि छुट्टाछुट्टै कमिटी गठन भए । एकले अर्कालाई सिध्याउने राजनीति पूर्ववतः एउटै पार्टीमा हुन थाल्यो । त्यसको नराम्रोसँग पराजय एमालेले भोग्यो पनि । दुवै पार्टीले अपेक्षाकृत नतिजा ल्याउन सकेनन् । देशभर छुट्टाछुट्टै पार्टी बन्दा मुस्ताङ मात्रै एउटा जिल्ला उदाहरण बन्यो, जहाँ एमाले विभाजन भएन । पछि पार्टी एकीकृत भयो । एमालेले खासखास समयमा विजय पनि हासिल ग¥यो । १२ वर्षमा खोलो फर्किने नेपाली उखान गलत सावित गर्दै १२ वर्षमा एमालेभित्र उर्लिएको खोलो सर्लक्कै फर्कियो । दुइतिहाई नजिकको पार्टी विभाजन भएर अहिले प्रतिपक्षमा बसेको छ ।
पार्टी विभाजन भएपछि निर्वाचन आयोगले भदौ २२ सम्म प्रदेश र स्थानीय जनप्रतिनिधिलाई पार्टी रोज्ने समय दियो । गण्डकीका ३ जिल्लामा विभाजनको सनाखत शून्य भयो । लमुजङ, मनाङ र नवलपुरका कसैले पनि विभाजन रोजेनन् । मुस्ताङमा पनि १ जनाले मात्रै एकीकृत समाजवादी रोजिन् । गण्डकीका सबै जिल्लाबाट ४० जना जनप्रतिनिधि मात्रै विभाजनको पक्षमा उभिए । त्यसमाथि प्रभावशाली नेताहरुले माधवकुमार नेपालसँगको साथ छोडे । नेपाललाई समानान्तर गतिविधि गर्न उक्साउने नेताहरु एमालेमै रहे ।
२०५४ को विभाजनले बारम्बार नतिजा गुमाएको पीडा उनीहरुलाई ताजै छ । अरु जिल्लामा सामान्य प्रभाव विभाजनले पारे पनि मनाङ र मुस्ताङ पार्टी फुटको विपक्षमा छ । ९ जिल्लामा नेकपा (एकीकृत समाजवादी) ले पार्टी बिस्तार गरिसक्दा मनाङ र मुस्ताङमा कमिटीमा बस्ने मान्छे पनि पाएको छैन । ‘समानान्तर कमिटी दबाबका लागि थियो, विभाजनका लागि थिएन । क्षमता भएका तर अवसर नपाएकाहरु त्यो कमिटीमा हुनुहुन्थ्यो,’ प्रभावशाली नेतृ श्रीमाया थकाली भन्छिन्, ‘मुस्ताङमा मैले नै फुटाउन मानिनँ । मान्छे मात्रै उभ्याएर भएन, त्यसले लिने नीति, त्यसको गति कहाँसम्म जाने हो ?’ ११ जिल्लामध्ये मनाङ र मुस्ताङको परिवेश अरुभन्दा फरक भएकोले विभाजन नहुने उनको भनाइ छ ।
समाजवादीले अधिकांश जिल्लामा समानान्तर कमिटीलाई नै मूल पार्टीको मान्यता दिएको छ
समाजवादीले अधिकांश जिल्लामा समानान्तर कमिटीलाई नै मूल पार्टीको मान्यता दिएको छ । कास्कीमा धनराज आचार्यको अध्यक्षतामा १ सय ८५ सदस्यीय कमिटी गठन भएको छ । म्याग्दीमा कृष्णकुमार श्रेष्ठ, पर्वतमा मोती पौडेल, तनहुँमा शंकरनारायण श्रेष्ठ, गोरखामा यादव बस्नेत, नवलपुरमा शालिकराम भट्टराई, लमजुङमा रामबावु अधिकारी र बागलुङमा लालबहादुर थापाको नेतृत्वमा १ सय ५१ सदस्यीय जिल्ला कमिटी बनेको छ । आरसी भट्टराईले नेतृत्व गरेको स्याङ्जामा १ सय ५५ सदस्यीय छ । समाजवादीले पोखरा महानगरमा पनि छुट्टै कमिटी गठन गरेको छ । मुक्तिनाथ पौडेलको अध्यक्षतामा १ सय ४१ सदस्यीय कमिटी गठन भएको प्रदेशका सहसचिव श्रीनाथ बरालले जानकारी दिए । मनाङ र मुस्ताङमा पनि केही समयभित्रै पार्टी गठन हुने उनले दाबी गरे । ‘साथीहरुसँग कुरा भैरहेको छ । अहिले बाढीपहिरोले त्यता जान सक्ने अवस्था बनेको छैन,’ बरालले भने, ‘छिट्टै सबै जिल्लामा पार्टी बिस्तार हुन्छ ।’ उनका अनुसार ३ महिनाभित्र सबै तहका कमिटी बनाइसक्ने निर्णय छ ।
केन्द्रीय समितिमा गण्डकीको उपस्थिति सामान्य
समाजवादीको केन्द्रीय कमिटी बैठकले केही जिम्मेवारीहरु थपेको छ । गण्डकीबाट प्रदेश इन्चार्ज केशवलाल श्रेष्ठलाई केन्द्रीय उपाध्यक्ष बनाइएको छ भने तुलबहादुर गुरुङ र शारदाप्रसाद सुवेदी स्थायी कमिटी सदस्य बनेका छन् । यस्तै, चूडामणि जंगली, प्रतापलाल श्रेष्ठ, श्रीनाथ बराल, दीलुकुमारी पन्त र विजय गुरुङ पोलिटव्युरो सदस्य चयन भएका नेता बरालले बताए । गण्डकी यसै पनि माधव नेपाल समूहको कमजोर प्रदेश हो । यहाँका २७ प्रदेश सांसद र प्रतिनिधिसभा सांसदमध्ये कोही पनि विभाजनमा गएका छैनन् । गाउँपालिका र नगरपालिकातर्फ पनि आँधिखोला गाउँपालिका उपाध्यक्ष मात्रैले विभाजन रोजिन् । विभाजनमा लाग्नेहरु अधिकांश वडाध्यक्ष र सदस्यहरु छन् ।
Related News
सम्बन्धित समाचार
जलवायु परिवर्तन असर : मुस्ताङको स्याउ उकालो चढ्दै
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
hero news full width
मुख्य समाचार
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१