पोखरा । लायन्स क्लब अफ पोखरा आदर्श चौतारी र बेगनास ताल नगरीको संयुक्त आयोजना पिसिआर नमुना संकलन, एन्टिजेन परीक्षण तथा सचेतना कार्यक्रम भएको छ । पब्लिक हेल्थ ल्याब्रोटरी गण्डकी प्रदेशको प्राविधिक सहयोगमा शनिबार बेगनास पिप्लेमा भएको हो ।
कार्यक्रममा प्रमुख डिपार्टमेन्टको चिफ वासुदेव कोइरालाले संक्रमित बिरामीलाई ल्याब टेस्ट सामग्री हस्तान्तरण गरी कार्यक्रमको शुभारम्भ गरे । उनले विषम परिस्थितिमा पनि क्लबले घर आँगनमै दिएको सुविधा मानव सेवाको उदाहरण भएको बताउँदै खुसी व्यक्त गरे ।
रिजन १ का रिजन चियरपर्सन सागर लामिछाने, पोखरा २७ का जनस्वास्थ्य निर्देशक जीवा शर्मा स्थानीय प्रतिनिधि कृष्ण तिमिल्सिनालगायतले शुभकामना व्यक्त गरे । क्लब अध्यक्ष वसन्तराज कोइराला अध्यक्षता भएको कार्यक्रममा स्वागत बेगनास तालनगरीका अध्यक्ष प्रभा भुजेल गरेकी थिइन् ।
संक्रमित क्षेत्रमा गएर पिसिआर, एन्टिजेन परीक्षण तथा सचेतना कार्यक्रममा ५० जना स्थानीयको पिसिआर नमुना संकलन गरी प्रदेश जनस्वास्थ्य प्रयोगशाला पोखरा पठाइएको छ । यस्तै, ३० जनाको एन्टिजेन परीक्षणसहित ८० जनाको परीक्षण गरिएको कार्यक्रम संयोजक सूर्यप्रसाद पोख्रेलले जानकारी दिए ।