स्याङ्जा । स्याङ्जामा धान उत्पादन हुने कुल क्षेत्रफलको ९० प्रतिशत भूभागमा रोपाइँ सकिएको छ । खाली रहेका खेतमा साउन पहिलो साताभित्रै रोपाइँ भएको हो ।
चापाकोट र गल्याङ्तर्फका करिब ७ प्रतिशत र आँधीखोला फेदीखोला र पुतलीबजारका करिब ३ प्रतिशत भूभागमा मकै र चैते धान पाकिनसकेका कारण रोपाइँ हुन बाँकी छ ।
कृषि ज्ञान केन्द्रका प्रमुख विनोद हमालले भने, ‘साउनको दोस्रो सातासम्ममा यस वर्षको धान रोपाइँ सकिन्छ ।’ उनका अनुसार १८ हजार हेक्टर क्षेत्रफलमा धान खेती हुन्छ ।
यसपटक छिट्टै पर्याप्त वर्षा भएका कारण किसानले समयमै धान रोप्न पाएका छन् । साउन अन्तिमसम्म रोपिने टारी खेत पनि यस पटक रोपिसकिएका छन् । सिँचाइ पुगेका खेतमा जेठदेखि रोपाइँ सुरु गरिन्छ । सिँचाइ सुविधा नपुगेका खेतमा पनि यसपटक नियमित आएको वर्षाले किसानलाई सहज बनाएको छ ।
स्याङ्जाका आँधीखोला किनार, कालीगण्डकी नदी किनार, ज्याग्दीखोला किनार, चापाकोट टार, रत्नपुर, कुवाकोट, गल्याङका क्षेत्र, सेतीदोभान फाँटहरु र बिरुवा फाँटहरु धानका उर्बर क्षेत्र हुन् ।
यसैगरी, दहथुम, स्वरेक, खिलुङ, पुतलीबजार नगरपालिका वालिङ नगरपालिका, चापाकोट, रत्नपुर, मल्याङ्कोट, चिन्नेवास, सेतीदोभान, बिरुवा, बिर्घा, अर्जुनचौपारी, राङभाङ, तुलसीभन्ज्याङ, जगत्भञ्ज्याङ, गल्याङमा पनि धानको उत्पादन राम्रो हुन्छ ।
यसपटक जिल्लामा रामधान, सावित्री, सुनौलो सुगन्धा लगायत उन्नत जात र हाइब्रिड धान रोपिएका छन् । अघिल्ला वर्षको तुलनामा यस वर्ष धान रोपाइँका क्षेत्र केही बढ्ने अनुमान छ । जिल्ला गत वर्ष ५६ हजार मेट्रिक टन धान उत्पादन भएकोमा यसपालि करिब ५९ मेट्रिक टन उत्पादन वृद्धि हुने ज्ञान केन्द्रको अनुमान छ ।
Related News
सम्बन्धित समाचार
‘कुखुरा कल्याणमा केज प्रणाली अनुपयुक्त’
पशु स्वास्थ्य प्राविधिकलाई अभिमुखीकरण
माझठानाका कृषकलाई तालिम
कास्कीको मादीमा एउटै फार्मका दुई सय ८० बाख्रा मरेपछि…
फेदीखोलाको सर्केटारीमा प्रथम आलु प्रदर्शनी
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१