पोखरा । कास्कीमा कोरोनाविरुद्धको खोप लगाउने कार्यक्रममा भीडभाड पाइएपछि प्रशासनले भीडभाड नगर्न आग्रह गरेको छ । खोप कार्यक्रम जिल्लामा निरन्तर चल्ने हुँदा भीडभाड नगरी स्वास्थ्य मापदण्ड पालना गर्न आग्रह गरेको हो ।
पोखरा महानगरपालिकामा कोभिडविरुद्धको खोप अभियान बुधबार सुरु भएको छ । खोप कार्यक्रमलाई पारदर्शी बनाउनन प्रशासन कार्यालय कास्कीले अनुगमन गरेको हो । सहायक प्रमुख जिल्ला अधिकारी कृष्णचन्द्र पौडेल, स्वास्थ्य तथा जनसंख्या मन्त्रालयबाट प्रशान्त शर्मा, पत्रकार महासंघ कास्कीबाट पदम श्रेष्ठ अनुगमनमा संलग्न थिए ।
भेरोसेल र जोन्सन एन्ड जोन्सन खोप लगाउन भनिएका सम्पूर्ण व्यक्ति एकै पटक आउनु र भोलिका दिनमा पनि खोप पाउन कठिन हुन्छ कि भन्ने अविश्वासका कारण पनि भीड बढी भएको हुन सक्ने सहायक सिडियो पौडेल बताउँछन् । उनले सञ्चारकर्मी, कर्मचारी, सवारी चालक र अन्य अत्यावश्यक सेवा संलग्न व्यक्तिहरुलाई कास्कीमा अहिले सञ्चालन भइरहेका खोप केन्द्रमा नभई छुट्टै ठाउँमा विशेष तरिकाले खोप लगाउने व्यवस्था गर्न लागेको बताए ।
अनुगमन टोलीले पहिलो दिन पोखरा ५, ६, ७ ८ र ९ मा अनुगमन गरेको हो । सम्पूर्ण वडामा ४ सय डोज खोप उपलब्ध भएको वडामा कार्यरत कर्मचारीले जानकारी गराएको बताइएको छ । माग गरिएबमोजिम खोप उपलब्ध गराउँदा खोप बिग्रन सक्ने कारणले गर्दा निश्चित मात्रामा खोप उपलब्ध गराएको स्वास्थ्य मन्त्रालय गण्डकी प्रदेशले जानकारी गराएको थियो । निश्चित तापक्रममा राखिएको खोप निकालिसकेपछि ३ घण्टा भित्र लगाउनुपर्नेछ । खोपकेन्द्रलाई आवश्यकता अनुसार १ सयदेखि २ सय डोज खोप थप गरिएको अनुगमनमा पाइएको छ ।
जिल्लामा स्वास्थ्य मन्त्रालयको निर्देशनबमोजिम ज्येष्ठ नागरिक, विश्वविद्यालय, विद्यालयका प्रधानाध्यापक, शिक्षक र कर्मचारी, अत्यावश्यक सेवामा संलग्न कर्मचारी, खोप अनिवार्य गरेको देशमा जाने नागरिकलाई खोप लगाइएको थियो ।
Related News
सम्बन्धित समाचार
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
hero news full width
मुख्य समाचार
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१