पोखरा महानगरपालिकाले पछिल्लो ४ वर्षमा १० वटा वडा भवन तयार गरेको छ । सुविधा सम्पन्न कार्यालय । भित्रै पार्किङ गर्न मिल्छ । सेवाग्राहीको सहजताका लागि लिफ्ट पनि राखिएको छ । यसमध्ये केही निर्माणकै चरणमा छन् । १० वटा वडाको भवन मर्मत गरिएको छ भने अझै ६ वडाको भवन निर्माणको प्रक्रिया सुरु भएको छ । नयाँ बन्ने सबै भवनमा लिफ्ट राख्नमिल्ने छ । जनप्रतिनिधि र कर्मचारीका लागि छुट्टाछुट्टै कार्यकक्ष छन् ।
पोखरा महानगरको मुख्य प्रशासकीय कार्यालयको भने बेहाल छ । एउटै कामका लागि सेवाग्राहीहरु धेरै कार्यालय चहार्नुपर्ने वाध्यतामा छन् । पोखराको मुख्य प्रशासकीय कार्यालय न्युरोडमा छ । सामाजिक विकास महाशाखा सिर्जनाचोकमा सारिएको छ । स्वास्थ्य महाशाखा नयाँ बजार र न्युरोडमा बीचमा राखिएको छ, कृषि महाशाखा बिरौटा र पशु महाशाखा रामघाटमा छ । स्वास्थ्य महाशाखा भाडामा छ, कृषि पनि हटाउन प्रदेशले उर्दी लगाएको छ । धेरैतिर कार्यालय हुँदा नागरिकले दुख पाएका छन् ।
२०५२ सालमा पोखरा उपमहानगरपालिका हुनुअघि निर्माण भएको न्युरोडको कार्यालयले देशकै ठूलो महानगरपालिका चलाइरहेको छ । महानगरमा जनप्रतिनिधि चुनिएपछि पहिलो कार्यपालिका बैठकले प्रशासकीय नयाँ भवन बनाउने निर्णय गरे पनि अहिलेसम्म कार्यान्वयनमा गएको छैन । अहिले भने भवन निर्माणको तयारीमा महानगर जुटेको छ । माटेपानीस्थित पशु सेवाको जग्गामा भवन बनाउन लागिएको हो । यसका लागि डिपिआर तयार भइरहेको छ । २२ रोपनी जग्गा नेपाल सरकारले महानगरलाई हस्तान्तरण गरिसकेको मेयर मानबहादुर जिसीले बताए ।
मुख्य प्रशासकीय भवनका लागि ४४ महिना लगाएर जग्गाको टुंगो लागेको छ
भवन निर्माणका लागि पोखरा १७ का अध्यक्ष तीर्थराज अधिकारीको संयोजकत्वमा जग्गा खोजविन समिति गठन गरिएको थियो । सोही समितिले तीन ठाउँ प्रस्ताव गरेको हो । नदीपुरस्थित नगर प्रशिक्षण केन्द्र, नयाँ बजारको प्रदर्शनी केन्द्र र माटेपानीको पशु कार्यालय भएको ठाउँमध्ये जुनसुकै उपयुक्त हुने सिफारिस समितिले जनाएको छ । नगर प्रशिक्षण केन्द्रमा प्रदेशसभा बसिरहेको छ । प्रदर्शनी केन्द्रलाई अन्तराष्ट्रिय सम्मेलन केन्द्रको रुपमा विकास गर्न लागिएको छ । सोही प्रतिवेदनको आधारमा पशु कार्यालयको जग्गा सबैभन्दा उपयुक्त देखिएको र त्यहिँ भवन बनाउन लागिएको मेयर जिसी बताउँछन् । महानगरलाई जग्गा खोजी गर्न नै ४४ महिना लाग्यो ।
उनका अनुसार भवन बनाउन करिब पौने अर्ब लाग्ने छ । ‘जग्गा आयो । डिपिआर बनाएर शिलान्यास गर्छौं,’ उनले भने, ‘सके यहि वर्ष नभए अर्को वर्ष सकिने गरी काम हुन्छ । नयाँ जनप्रतिनिधि आउँदा नयाँ भवनमा बस्न पाउछन् ।’ त्यहाँ तीनवटा ब्लक बन्ने छन् । त्यसबाहेक नयाँ बजारमा महाशाखाहरु राख्न छुट्टै कार्यालय निर्माण हुँदै छ । पुरानो दमकलको जग्गामा भवन बनाउन २२ करोड लागत स्टिमेटको बोलपत्र समेत आह्वान भइसकेको छ । एकीकृत सेवा दिनका लागि महानगरपालिकाका महाशाखाहरु एकै ठाउँमा राख्ने गरी यो भवन बनाउन लागिएको प्रमुख प्रशासकीय अधिकृत महेश बरालले जानकारी दिए । महानगरले दीर्घकालसम्म चल्ने गरी भवन निर्माण गरिरहेको उनको भनाइ छ । ‘अहिले बनेका भवन केहि वर्षमै साँघुरो हुनु हुँदैन । कम्तीमा ५० वर्ष पछिसम्मलाई हेरेर अहिले भवन बनेका छन्,’ उनले भने, ‘काम केही ढिलो भयो होला । तर सोचाइ धेरै परसम्मको छ ।’ पोखरा अन्तर्राष्ट्रिय सहर भएकोले त्यसलाई समेत ख्यालमा राखेर संरचना तयार गरिएको उनले सुनाए ।
वडा तहमा लिफ्ट सहितका भवन बनिरहँदा महानगरमा भने एउटै कोठाभित्र धेरै कुर्ची टेबुल जोडेर बस्न वाध्य छन्, कर्मचारीहरु । वडा भवन बाहेक पोखराले स्वास्थ्य चौकी र सहरी स्वास्थ्य केन्द्रको भवन पनि धमाधम बनाइरहेको छ । ८ वडामा नयाँ सहरी स्वास्थ्य केन्द्र स्थापना गरिएको छ । यहाँ ४६ वटा स्वास्थ्य चौकी, सहरी स्वास्थ्य केन्द्र सञ्चालनमा छ । ४ वडामा नयाँ स्वास्थ्य चौकी बनेको छ भने २ वटामा निर्माण अन्तिम चरणमा पुगेको छ ।
Related News
सम्बन्धित समाचार
डुंगा पल्टिएपछि तत्कालै उद्धार
मधेशका सभामुखको टोली महेन्द्रगुफामा
प्रकटको स्मरणमा फिल्म ‘प्रतिबद्धता’ प्रदर्शन
कैदीबन्दी न्यायिक सरोकारमा नलबहादुर मनोनित
आगोलागी नियन्त्रणसम्बन्धी सचेतना
hero news full width
मुख्य समाचार
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१