पोखरा । पोखरा १८, भकुण्डेमा शनिबार भएको विद्यालयस्तरीय छात्रतर्फ शान्त मावि र छात्रातर्फ जनप्रिय माविले उपाधि जितेका छन् ।
शान्त माविले कृस्तीको भविश्य निर्माण माविलाई ३—० को सोझो सेटमा पराजित गर्दै उपाधि सहित १८ हजार रुपैयाँ पुरस्कार प्राप्त गरेको छ । उपविजेताले १२ हजार पायो । भद्रकाली मावि तेस्रो र छोरेपाटन मावि सान्त्वना भए ।
छात्रातर्फ फाइनलमा जनप्रिय माविले धार्दिङको कालिका आधारभूत विद्यालयलाई ३—२ सेटमा पराजित गर्दै उपाधि जितेको हो । विजेताले १२ हजार उपविजेताले ८ हजार साथमा ट्रफी, मेडल र प्रमाणपत्र प्राप्त गरे । शान्त मावि ‘ए’ तेस्रो र सिद्ध वराह सान्त्वना भए ।
शान्त भलिबल ट्रेनिङ सेन्टरको आयोजना, भकुण्डे युवा मञ्चको सहयोगमा वैशाख १ देखि सञ्चालित प्रतियोगितामा छात्रछात्रातर्फ ८/८ टोलीको सहभागिता थियो ।
समाजसेवी ध्रुवबहादुर थापा, प्रतियोगिता संयोजक दिनेशप्रसाद चौधरी, मञ्च अध्यक्ष सन्तोष अधिकारी लगायतले पुरस्कार वितरण गरेका थिए ।
फाइनल खेलमा रेफ्रीलाई बल हस्तान्तरण गर्दै गण्डकी प्रदेश सांसद रामजीप्रसाद बराल ‘जीवन’ ले नवौं राष्ट्रिय खेलकुद प्रतियोगितामा यस्ता प्रतियोगिताले सहयोग गर्ने बताए । भकुण्डेको खेलमैदान स्तरोन्नतिको लागि सहयोग गर्ने उनले आश्वासन समेत दिए ।
कास्की जिल्ला भलिबल संघ अध्यक्ष भीम पराजुलीले भकुण्डेको भलिबल मैदान मर्मत गर्न बजेट विनियोजनका लागि जनप्रतिनिधिसँग अनुरोध गरे ।
Related News
सम्बन्धित समाचार
उत्कृष्ट खेल संघ वा क्लबतर्फको अवार्ड सहारालाई
भलिबलमा अटल हिमाल
इन्द्रालाई लाइफटाइम अचिभमेन्ट अवार्ड
पोखरा ७ स्तरीय वृहत दौड प्रतियोगिता
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
hero news full width
मुख्य समाचार
गण्डकीमा एमालेका सीता सुन्दास र बेदबहादुरले लिए मन्त्रीको शपथ
सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१