पोखरा । आहारारा गोल्डकपको २ दशकको श्रृंखलामा शनिबार नयाँ टिम विजेता हुँदैछ । सधैँजसो मनाङ मस्र्याङ्दी, पुलिस, थ्रिस्टार लगायत टिम वरिपरि घुमेको ट्रफी यो वर्ष नयाँ टिमले चुम्ने निश्चित छ ।
पूर्वविजेता तथा फाइनल प्रवेशी टिम बाहिरिएपछि पोखरा रंगशालामा संकटा क्लब र अफ्रिकन रुट्स एसोसिएसन उपाधिका लागि आमनेसामने हुन लागेका छन् ।
अफ्रिकन टिम यसअघि विजेता बने पनि क्यामरुनको अफ्रिकन रुट्स नयाँ क्लब हो । उता ५ पटक सहभागितामा पहिलो पटक संकटा फाइनल पुगेको हो । संकटा यसअघि क्वाटरफाइनलभन्दा माथि उक्लिन सकेको थिएन ।
फाइनलका लागि भिड्दै गर्दा दुवै टिमको लक्ष्य पहिलो पटक उपाधिमा जित्नु हुनेछ । शुक्रबार प्रि–म्याच कन्फरेन्समा टिम प्रशिक्षक र कप्तानले उपाधि आफ्नै पक्षमा आउने दाबी गरे ।
पाहुना टालीका प्रशिक्षक सेन्जे बोरिसले फाइनल खेल जित्नकै लागि खेल्ने बताए । संकटा सजिलो टिम नभएको उनको भनाइ छ । उनले आहारारा गोल्डकप नेपालकै प्रतिष्ठित प्रतियोगिता भएको बताउँदै उनले भने, ‘हामीलाई थाहा छ यो धेरै प्रतिष्ठित प्रतियोगिता हो । त्यसैले सबैभन्दा राम्रो खेल्ने छौं ।’
उता, संकटाका प्रशिक्षक सल्यान खड्कीले टिमको लक्ष्य उपाधि जित्ने रहेको बताए । ‘पाँच पटक प्रयास गर्दा फाइनल पुगेका छौँ, उपाधि उचाल्ने प्रयास रहने छ,’ खड्कीले भने, ‘२ लक्ष्य लिएका आएका थियौं,एउटा उपाधि र अर्को फाइनल पुग्ने । एउटा पूरा भयो अर्को भोलि (शनिबार) हुन्छ ।’
फाइनलमा संकटा क्लब र अफ्रिकन रुट्स एसोसिएसन उपाधिका लागि आमनेसामने हुँदै
संकटाका कप्तान सरोज दाहालले सहाराबाट खेल्दा उपाधि जितेकोमा अबको योजना संकटालाई उपाधि दिलाउने भएको बताए । आयोजक सहारा क्लबले १२ आंै संस्करणको उपाधि जित्दा दाहाल टिमका मुख्य खेलाडी थिए ।
क्वाटरफाइनलमा साविक विजेता मनाङ मस्र्याङ्दीलाई १–० र सेमीफाइनलमा एपिएफलाई २–० पराजित गर्दै संकटा उपाधि नजिक पुगेको हो । यस्तै, पहिलो सहभागितामै फाइनल यात्रा तय गरेको अफ्रिकन रुट्सले दोस्रो क्वाटरमा मच्छिन्द्रलाई २–१ र सेमिफाइनलमा नेपाल पुलिस क्लबलाई २–० गोलअन्तरले पराजित गर्दै फाइनल पुगेको हो ।
इतिहास हेर्दा विभागीय पुलिसले क्याराभानसहित तथा मनाङले समान ६ पल्ट उपाधि जितेका छन् भने थ्रिस्टार ५ पटकको च्याम्पियन हो । यसबाहेक आयोजक (१२ औं संस्करण) र अफ्रिकन युनाइटेड क्लब (चौथो संस्करण) का विजेता हुन् । फाइनल पुग्ने टिममा मनाङ, पुलिस, थ्रिस्टार, आर्मी, सहारा, जावलाखेल, फ्रेन्ड्स, अफ्रिकन युनाइटेड, एपिएफ क्लब छन् । यीमध्ये मनाङ ११, पुलिस ९, थ्रिस्टार ६, आर्मी ४ र सहाराले २ पटक फाइनल यात्रा तय गरेका छन् । जावलाखेल, फ्रेन्ड्स, अफ्रिकन युनाइटेड, एपिएफ क्लब १/१ पटक फाइनल पुग्ने टिम हुन् ।
उपाधि विजेताले १० लाख र उपविजेताले ५ लाख रुपैयाँ साथमा ट्रफी र मेडल पुरस्कार प्राप्त गर्नेछन् । विधागततर्फ सूर्यबहादुर केसी मेमोरियल उत्कृष्ट गोलकिपर, डिफेन्डर, मिडफिल्डर, स्ट्राइकर र प्रशिक्षकलाई जनही २५ हजार प्रदान गरिने आयोजक सहरा क्लब पोखराले जनाएको छ ।
Related News
सम्बन्धित समाचार
कसको हातमा पर्ला वर्ष खेलाडीको उपाधि ?
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
hero news full width
मुख्य समाचार
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१