पोखरा । नेपाल अपांग समाज सेवा संघले राष्ट्रिय अपांग पुनस्र्थापना समाजको सहयोगमा कास्कीमा अपांगता भएका व्यक्तिलाई निःशुल्क ह्वीलचियर, बैशाखी, ट्राइसाइकल वितरण गरेको छ ।
गण्डकी प्रदेश उपसभामुख सिर्जना शर्माले संघले गरेको कामको उचित मूल्यांकन हुनुपर्ने बताइन् । उनले अपांगता भएका व्यक्तिलाई सरकारले सधैँ सहयोग गर्ने र व्यक्तिगत रुपमा आफूले पनि सधैँ सहयोग गर्ने प्रतिबद्धता व्यक्त गरिन् ।
राष्ट्रिय अपांग पुनस्र्थापना समाजका उपाध्यक्ष सुमन भट्टराईले अपांगता भएका व्यक्तिहरुलाई विभिन्न तालिम दिइरहेको बताउँदै देशभरका अपांगता भएका व्यक्तिलाइ विभिन्न सामग्री पनि सहयोग गर्दै आएको जानकारी दिए ।
अपांग समाज सेवा संघ अध्यक्ष बुद्धिबहादुर वाग्दास पन्तले घरपरिवार र समाजबाट अपहेलित हुनुपरेको बताउँदै नीति बनाउने ठाउँमा आफ्नो प्रतिनिधित्व हुनु पर्ने माग गरे । संघले हाल शिक्षा, आयआर्जन र सीप विकासमा जोड दिएको उनको भनाइ छ ।
कार्यक्रममा सामुदायिक सेवा एवं सामुदायिक प्रहरी सेवा जिल्ला समन्वय समितिका सहकोषाध्यक्ष प्रेम पहाडी, समाजसेवी गोपी तुलाचन, व्यवसायी दुर्गा श्रेष्ठ, समाजसेवी प्रकाश शर्मा, समाजसेवी दामोदर शर्मा लगायतले नेपाल अपांग समाज सेवा संघले राम्रो काम गरेको र यस्ता काममा सबैले साथ दिनुपर्ने बताए ।
नेपाल अपांग समाज सेवा संघका अध्यक्ष पन्तको अध्यक्षतामा सम्पन्न कार्यक्रममा स्वागत संस्थाका सदस्य प्रकाश सूचीकारले र सञ्चालन रुपा केसीले गरेका थिए ।
Related News
सम्बन्धित समाचार
फेवातालमा दुर्घटनामा परेका ५ जनाको उद्धार
३ पुस्तादेखिको कटुवाल पेसा धान्दै मनबहादुर
मस्र्याङ्दी जलासयमा मोटरबोट
पोखराको काहुँडाँडामा दोस्रो अन्तर्राष्ट्रिय योग फेस्टिभल सुरु
विपद् प्रतिकार्यमा महानगर प्रतिबद्ध छ : प्रमुख आचार्य
hero news full width
मुख्य समाचार
यस्तो छ लगानी सम्मेलनको कार्यतालिका
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
वैशाख १६, २०८१जलवायु परिवर्तन असर : मुस्ताङको स्याउ उकालो चढ्दै
वैशाख १५, २०८१त्रासैत्रासमा तंग्रिदै कागबेनी
वैशाख १४, २०८१