पोखरा ।
– उद्योग वाणिज्य तथा उपभोक्ता हित संरक्षण निर्देशनालय गण्डकीको टोलीले तिहारका बेला बजार अनुगमन गर्दा बिना लेबलका घिउ भेटियो । डब्बाको बाहिर गोकुल ब्रान्ड लेखेको घिउ कहाँ उत्पादन भएको हो अनुगमन टोलीले पत्ता लगाउन सकेन । कुनैमा रामेछाप त कुनैमा टोखा नगरपालिका ठेगाना राखिएको छ । यस्ता घिउ अहिले पनि बजारमा जताजतै पाइन्छ ।
– निर्देशनालयले पोहोर नै प्रदेशका जिल्लाहरुमा सञ्चालित पिउने पानी उद्योगका सञ्चालक राखेर पानीको मूल्य निर्धारण ग¥यो । प्रति बोतल खुद्रा मूल्य १६ र प्रति जार ५० रुपैयाँ तोकियो । तर दोकानदारले त्यो भन्दा बढी मूल्य लिइरहेका छन् ।
– लकडाउनका बेला बिहान २ हजार ७ सय ५० मा किनेको १ बोरा चामलको मूल्य त्यहि दोकानमा बेलुका ३ हजारमा बिक्री गरियो । उपभोक्ता सचेत भएर वडाका प्रतिनिधिको रोहबरमा दोकानेलाई माफी मगाइयो ।
उपभोक्ताको हकका लागि ३ वटै तहका सरकार, नागरिक समाज र गैरसरकारी संस्था क्रियाशील छन् । तर पनि बजारको विकृति रोकिएको छैन । बरु उल्टै बढेर गएको छ । यसको दोषी को त ? आखिर कसको नियन्त्रणमा छ बजार ? हो बजारको विकृति रोक्न भन्दै उद्योग वाणिज्य तथा उपभोक्ता हित संरक्षण निर्देशनालय गण्डकीले सचेतनामूलक जागरण कार्यक्रम थालेको छ ।
पहिलो चरणमा पोखरा महानगरका वडामा कार्यक्रम गरेर ११ वटै जिल्लामा पुगिने निर्देशक नारायण आचार्यले बताए । वस्तु तथा सेवा उपभोग गर्नुअघि उपभोक्ता सचेत हुन सके ठगिनु नपर्ने उनको भनाइ थियो । कानुनमा उपभोक्ता हितसम्बन्धी धेरै विषय उल्लेख भए पनि उपभोक्तानै अनभिज्ञ हुँदा व्यवसायीले कालोबजारी गरी फाइदा उठाइरहेको निर्देशक आचार्यको भनाइ छ ।
खाद्य प्रविधि तथा गुण नियन्त्रण डिभिजन कार्यालय पोखराका प्रमुख शिवजी बरालले उपभोक्ताले विद्यमान कानुनका बारेमा जानकारी लिएर सचेत हुन आग्रह गरे । गुणस्तर तथा नापतौल कार्यलय पोखराका प्रमुख तीलक केसीले नापतौल र उपभोक्ता हितका सम्बन्धमा प्रस्तुति राखेका थिए । केसीले उद्योगबाट उत्पादित वस्तु गुणस्तर हुन सकेमात्रै बजारमा गुणस्तरीय सामान पाइने भएकाले उद्योगबाटै उत्पादित सामानको गुणस्तरमा विशेष निगरानी राख्नुपर्नेमा जोड दिए ।
उपभोक्ता मञ्च गण्डकीका अध्यक्ष कपिल कोइरालाले उपभोक्ता हित संरक्षणका सम्बन्धमा उपभोक्ता अधिकार संरक्षण ऐन २०७५ लागु भइसके पनि त्यसको प्रभावकारी कार्यान्वयन अझै हुन नसकेको बताए । उनले बजार अनुगमनको समयमा नापतौलदेखि म्याद सकिएका खाद्य सामग्री, अधिक मूल्य, कम तौलका प्याकेजिङ लगायतबाट उपभोक्ता ठगिने गरेको बताए । उनले भने, ‘बजारबाट गुणस्तरहीन उपभोग्य वस्तु ग्रामीण भेगमा जाने गरेको पनि अनुगमनमा भेटिएको छ, उपभोक्ताले विल माग्ने र ठगिएको थाहा हुँदाबित्तिकै उजुरी गर्ने बानीको विकास गरेर कालोबजारी गर्ने बिक्रेतालाई निरुत्साहित गर्नुपर्छ ।’
कार्यक्रममा सहभागी उपभोक्ता रोजी पराजुलीले प्रभावकारी अनुगमनको अभावले हरेक दिन बिक्रेताबाट उपभोक्ता ठगिनु परेको अनुभव सुनाइन् । उनले वडा तहबाटै संयन्त्र बनाएर उपभोक्तालाई सचेतना र बजार अनुगमनलाई प्रभाावकारी बनाउन ध्यानकर्षण समेत गराइन् ।
अर्का सहभागी सन्दिप साईले उपभोक्ताका गुनासो सुन्ने प्रभावकारी निकाय नहुँदा उपभोक्ता ठगिन बाध्य भएको बताए । निर्देशनालयका अधिकृत प्रदीपकुमार रेग्मीका अनुसार जागरुक कार्यक्रममा पहिलो चरणमा वडा १ देखि ५ सम्मका प्रतिनिधिलाई सहभागी गराइएको छ । कार्यक्रमलाई चरणबद्ध रुपमा ३३ वटै वडामा पु¥याइने छ । महानगरपछि ११ वटै जिल्लामा अभियानकै रुपमा कार्यक्रम गरिने उनले बताए ।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
hero news full width
मुख्य समाचार
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१