दमौली, १३ मंसिर । कुनै बेला नागरिकता नपाएर छटपटिएकी जिल्लाको देवघाट गाँउपालिका ३ की माया गुरुङ निकै खुशी भएकी छन् । जीवनको उत्तरार्धमा पुगेकी गुरुङले लामो समयपछी नेपाली नागरिकता पाउँदा खुशी भएकी हुन् ।
जिल्ला प्रशासन कार्यालय तनहुँको आयोजना तथा गाउँपालिकाको सहकार्यमा घरमै गएर नागरिकता प्रदान गरिएको हो । उनले ७३ वर्षको उमेरमा नागरिकता पाएकी हुन् । परिवार विहीन रहेकी उनी नागरिकता लिन सदरमुकाम जान नसक्दा अहिलेसम्म नागरिकता पाएकी थिइनन् ।
आर्थिक अवस्था कमजोर भएकै कारण घर नजिकै घुम्ती शिविर हुदाँ पनि उनी नागरिकता बनाउन गएकी थिईनन् । हिँडडुल गर्न र बोल्न समेत नसक्ने अवस्थामा रहेकी गुरुङलाई प्रमुख जिल्ला अधिकारी सागर आचार्यले घरमै पुगेर नागरिकता दिएका हुन् ।
‘उहाँको आफन्त कोही पनि रहेनछन् । आफु बोल्न पनि नसक्ने, गाउँ छोडेर अन्त जान नमान्ने भएकाले अहिलेसम्म नागरिकता लिनु भएको रैनछ । स्थानीय गंगासिंह विकले पहल गरेपछि घरमै पुगेर नागरिकता वितरण गरेका छौँ’, उनले भने ।
वडा कार्यालयले गुरुङ सोही स्थानमा जन्मिएको र नेपाली नागरिक हो भन्ने प्रमाणित गरेर पठाएपछि गुरुङलाई नागरिकता दिएको प्रमुख जिल्ला अधिकारी आचार्यले बताए ।
२०७२ को भुकम्पले घर भत्काएपछि गुरुङ लाभग्राहीको सूचिमा परेपनि नागरिकता नहुँदा घर पुनः निर्माणको सम्झौता हुन सकेको थिएन । अब भने गुरुङको घर राष्ट्रिय पुनः निर्माण प्राधिकरणले नै बनाईदिने भएको छ ।
नागरिकता पाएसँगै उनले अब सामाजिक सुरक्षाभत्ता पाउने भएकी छन् ।
Related News
सम्बन्धित समाचार
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
४ दिनपछि पोखरा अन्तर्राष्ट्रिय विमानस्थलमा नियमित उडान र अवतरण
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१