म्याग्दी, ३ कात्तिक । म्याग्दीको दरबाङदेखि धारापानीसम्म सडकको स्तरोन्नति कार्य थालिएको छ । म्याग्दीको मालिका गाउँपालिका वडा नम्बर ५ र ६ को सीमाना दरबाङको पक्की पुलदेखि धवलागिरी गाउँपालिका वडा नम्बर ७ धारापानीसम्म सडकको स्तरोन्नति थालिएको हो । सडक स्तरोन्नतिको मालिका गाउँपालिकाका अध्यक्ष श्रीप्रसाद रोका मगरले एक कार्यक्रमका बीच शिलन्यास गरेका छन् ।
सडकको स्तरोन्नति पछि यातायात सञ्चालन गर्न सहज हुने अध्यक्ष रोका मगरले बताए । सडकको स्तरोन्नति पछि दूरी पनि छोटिनेछ । साथै सडक स्तरोन्नतिले यातायात क्षेत्रसंगै व्यवसायीहरुलाई सहज हुनेमा अध्यक्ष रोका मगरले विश्वास व्यक्त गरे । ‘गाउँमा कम्तीमा १२ महिना यातायात सञ्चालन गर्ने लक्ष्यसहित सडक स्तरोन्नतिको कार्य थालिएको छ’, गाउँपालिका अध्यक्ष रोका मगरले भने ।
गण्डकी प्रदेशको पूर्वाधार विकास कार्यालयबाट दरबाङ–धारापानीसम्मको ७ किलोमिटर सडक १४ करोड रुपैयाँ लागतमा ठेक्का सम्झौता भएको छ । धुलिखेल ब्राइट कुँवर जेबी निर्माण कम्पनीले सडक स्तरोन्नतिको ठेक्का पाएको पूर्वाधार विकास कार्यालय म्याग्दीले जनाएको छ ।
सात किलोमिटर सडक ग्राभेल गरिनेछ । साथै ८ मिटर चौडा, ग्रेड मिलाउने, नाली बनाउने, विभिन्न ठाउँमा आरसीसी ढलान गरिने पूर्वाधार विकास कार्यालय म्याग्दीका इन्जिनियर सन्तोष अर्यालले बताए । सम्झौता अनुसार उक्त सडक स्तरोन्नतिको काम आगामी दुई बर्षभित्रमा सम्पन्न हुनेछ ।
Related News
सम्बन्धित समाचार
माटो सुहाउँदो खेती गरे विदेशिनु पर्दैन : प्रमुख घर्ती
गण्डकीमा संविधान भर्सेज सर्वोच्च
गण्डकीमा अधिकारी सरकारलाई राप्रपाको साथ
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
मुख्यमन्त्री अधिकारीविरुद्धको रिट खारेज
hero news full width
मुख्य समाचार
मजदुरलाई छैन मजदुर दिवस रौनक
पोखराको चाउथेमा बिजुली पसलमा आगलागी हुँदा १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१