तमु धिंमा ३६ वर्षपछि नेतृत्व हस्तान्तरण, अध्यक्षमा हुम

आदर्श समाज सम्वाददाता
असाेज २१, २०७७
hum tamu

पोखरा, २१ असाेज । तमु समुदायको पुरानो सामाजिक संस्था तमु धिं नेपालको अध्यक्षमा हुमबहादुर गुरुङ निर्विरोध निर्वाचित भएका छन् । केही विवादबीच करिब एक सातापछि प्रक्रिया पु¥याएर निर्वाचन समितिले उनलाई अध्यक्षमा निर्विरोध निर्वाचित गरेको हो । तमु धिं स्थापनाको ३६ वर्षपश्चात नेतृत्व हस्तान्तरण भएको छ ।

२०४२ सालमा स्थापनाकालदेखि नै लगातार नेतृत्व गर्दै आएकी कर्म तमुपश्चात युवा समाजसेवी एवं पत्रकार हुमबहादुर गुरुङले आगामी नेतृत्व गर्ने मौका पाएका हुन् ।

तमु धिं नेपालको १५औं महाधिवेशनको नेतृत्व चयनका क्रममा चारभञ्ज्याङ तमु समाजका हुमबहादुरसहित पदाधिकारीहरु निर्विरोध चयन भए ।

निर्वाचन समितिका अनुसार वरिष्ठ उपाध्यक्षमा ताङतिङ दूधपोखरी तमु समाजका सुुमे श्रीप्रसाद तमु, प्रथम उपाध्यक्षमा सिद्धार्थ तमु समाजकी गीमाया तमु, द्वितीय उपाध्यक्षमा याङ्जाकोट तमु समाजका नारायण तमु, महासचिवमा मिलिजुली विजयपुर तमु समाजकी अधिवक्ता जूनाकुमारी तमु, सचिवमा फिर्के तमु समाजका जुमकाजी तमु, सहसचिवमा चिउली पाचे तमु समाजका मेनकाजी तमु, कोषाध्यक्षमा नादा तमु समाजका गमबहादुर तमु, सहकोषाध्यक्षमा तमु सहयोग समितिकी सुवेदार तुलबहादुर तमु निर्विरोध चयन भए ।

अध्यक्ष पदका प्रत्यासी हुमबहादुरको विरुद्ध प्रस्तुत भएका इ। देउकाजी तमुको उम्मेदवारी बदर भएको निर्वाचन समितिको निर्णय पश्चात हुमबहादुरलाई बाटो खुलेको हो ।

बदर गर्नुअघि नै देउकाजी तमुले पत्रकार सम्मेलन गरी निर्वाचन प्रकृयाबाट बाहिरिएको सार्वजनिकीकरण गरेका थिए । यद्यपि निर्वाचन समितिले असोज २४ गते शनिवार घोषणा कार्यक्रम राखेको छ ।
असोज १६ मा ३६ औं वार्षिक साधारणसभा र १५औं महाधिवेशन सम्पन्न हुनुपर्नेमा विविध कारण देखाउँदै असोज ११ गते नै निर्वाचन समितिले निर्वाचन प्रक्रिया स्थगित गरेको थियो ।

Related News

सम्बन्धित समाचार

  • डुंगा पल्टिएपछि तत्कालै उद्धार

    विजय नेपाल वैशाख १८, २०८१
    पोखरा । सोमबार बिहान वाराही मन्दिर दर्शन गर्न जानेक्रममा हावाहुरीले फेवातालमा डुंगा पल्टिएको सूचना रेस्क्यु टावरमा आयो । सशस्त्र प्रहरीको…
  • मधेशका सभामुखको टोली महेन्द्रगुफामा

    आदर्श समाज सम्वाददाता वैशाख १७, २०८१
    पोखरा । पोखरा भ्रमणमा रहेका मधेश प्रदेशका सभामुख रामचन्द्र मण्डलले प्रसिद्घ महेन्द्र गुफाको अवलोकन गरेका छन् । गण्डकी प्रदेश सभाको…
  • प्रकटको स्मरणमा फिल्म ‘प्रतिबद्धता’ प्रदर्शन

    आदर्श समाज सम्वाददाता वैशाख १७, २०८१
    पोखरा । एड्स रोग नियन्त्रण संघ कास्कीको आयोजनामा चलचित्र प्रदर्शन, सहयोग हस्तान्तरण तथा श्रद्धाञ्जली सभा भएको छ । संघले साहित्यकार…
  • कैदीबन्दी न्यायिक सरोकारमा नलबहादुर मनोनित

    आदर्श समाज सम्वाददाता वैशाख १७, २०८१
    पोखरा । मानव अधिकार तथा कैदीबन्दी न्यायिक सरोकार मञ्च नेपाल संस्थाको केन्द्रीय सदस्यमा पोखराका नलबहादुर गुरुङ मनोनित भएका छन् ।…
  • आगोलागी नियन्त्रणसम्बन्धी सचेतना

    आदर्श समाज सम्वाददाता वैशाख १६, २०८१
    पोखरा । सामुदायिक सेवा केन्द्र एवं सामुदायिक प्रहरी सेवा पृथ्वीचोकको आयोजनामा गण्डकी प्रदेश विपद् व्यवस्थापन गुल्म बागलुङबाट प्रहरी निरीक्षक बाबुराम…

hero news full width