पोखरा । गृहमन्त्री रामबहादुर थापा बादलले बागलुङको ढोरपाटन क्षेत्रका बाढीपहिरो प्रभावितहरुलाई राहत सामग्री प्रदान गरेका छन् ।
मौसममा खराबी आएपछि बिहीबार पोखराबाट फर्केको गृहमन्त्री बादलसहितको टोलीले शुक्रबार दिउँसो नेपाली सेनाको हेलिकोप्टरमार्फत् सिधैँ ढोरपाटन पुगेको हो ।
टोलीले बाढीले घरबास गुमाएका परिवारलाई त्रिपाल, टेन्ट, म्याट लगायत सामग्री वितरण गरेको छ । यस्तै, ज्यान गुमाएका व्यक्तिका परिवारलाई २ लाख दरले राहत उपलब्ध गराउने बताए ।
वडा ९, सुप्राङमा बाढी प्रभावित क्षेत्रको अवलोकन गर्दै गृहमन्त्री बादलले बाढी प्रभावितहरुको राहत र पुनःस्र्थापनामा सरकारले सहयोग गर्ने प्रतिबद्धता व्यक्त गरेका छन् ।
गृहमन्त्री थापासहित बागलुङ–२ बाट प्रतिनिधिसभा सदस्यमा प्रतिनिधित्व गर्ने सांसद देवेन्द्र पौडेल पनि सम्मिलित थिए ।
यस्तै, गृहमन्त्रीले बाढीपहिरोले पूर्णरुपमा क्षति भएका घरको पुनःनिर्माणका लागि ३ लाख सहयोग गर्ने प्रतिबद्धता जनाएको ढोरपाटनका मेयर सुनिलकुमार नेपालीले जानकारी दिए ।
बुधबार राति ढोरपाटनको देउराली छेउको पहाड खसेर खोला थुनिएर फुटेपछि भुजिखोलामा भीषण बाढी आएको थियो । बाढीले वडा ७, ८ र ९ मा गरी ठूलो धनजनको क्षति भएकोमा सबैभन्दा बढी क्षति वडा ९ मा भएको छ ।
सो घटनामा ३१ घर पूर्णरुपमा क्षतिग्रस्त भएकामा आंशिकसहित १ सय २५ घर क्षतिग्रस्त छन् ।
बाढीमा परेका ४ जनाको घाइते अवस्थामा उद्धार गरिएको छ । तीमध्ये गम्भीरावस्थामा रहेका ढोरपाटन –९ का महेन्द्र पुनको प्राथमिक स्वास्थ्य केन्द्र बुर्तिबाङमा उपचार भइरहेको छ ।
बाढीले ढोरपाटन–९ स्थित लाँकुरीबोट स्वास्थ्यचौकीको भवन, जनचेतना प्रावि, सरस्वती प्रावि, भुजीखोला लघुजलविद्युत् आयोजनाका ५ शाखामध्ये चार भवन, सडक छेउमा पार्किङ गरेर राखिएको एक जीप र मोटरसाइकल बगाएको हो ।
Related News
सम्बन्धित समाचार
अधिकारी सरकारको वैधताको टुंगो आज !
डढेलो लगाउनेलाई जन्मकैद हुनुपर्छः मुख्यमन्त्री
नवलपुरमा २५ सय हेक्टर वन सखाप
गण्डकीमा डायलासिसका लागि अब पालो कुर्न नपर्ने
अधिकारी सरकारको मुख्य न्यायाधिवक्ता चिरन्जीवी शर्मा !
hero news full width
मुख्य समाचार
गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१