पोखरा । समाजसेवी गोपाल गुरुङको प्रथम स्मृति दिवस शुक्रबार मनाइएको छ । पोखरास्थित पञ्चकोशी समाज घरमा एक कार्यक्रम गरी उनको स्मरण गरिएको हो ।
पञ्चासे क्षेत्रको समग्र विकासको निम्ति ३ दशकदेखि निरन्तर लागेका गुरुङलाई सधैँ जिवितराख्न पञ्चासेमा गोपाल स्मृति पार्क निर्माण गरिँदैछ । क्या. हितमान गुरुङको अध्यक्षतामा ११ सदस्यीय समिति गठित छ ।
सोही समितिको आयोजनामा भएको कार्यक्रममा वक्ताले स्व. गुरुङको सामाजिक योगदानको चर्चा गरे । उनी पञ्चायतकालमा प्रधानपञ्च र बहुदलीय व्यवस्था आए पश्चात समेत गाविस अध्यक्षमा निर्वाचित भई गाउँ र जनताको सेवामा खटिएका थिए ।
लोकप्रिय गुरुङको नेतृत्वकालमा गाउँमा खानेपानी, सडक, सिँचाइ, हेल्थपोष्ट, वनसंरक्षणजस्ता अनेक विकासका कार्य भए । २०५४ पश्चात उनको ध्यान पञ्चासे क्षेत्रतर्फ गयो । सक्रिय राजनीतिदेखि थौरै पर रहेर पूर्णरुपमा समाजसेवी भइ पञ्चासेको विकासमा दत्तचित्त भइ लागे । पञ्चासेलाई राष्ट्रिय र अन्तर्राष्ट्रिय क्षेत्रमा पहिचान गराउने कार्यमा उनको मुख्य भूमिका छ । कार्यक्रममा समिति सहसचिव दिलबहादुर भट्टराइले कार्यप्रगतिबारे जानकारी दिए ।
अध्यक्ष क्या. हितमान गुरुङले पार्क निर्माणको लागि सरकारसँग पनि आर्थिक सहयोगको पहल गरिरहेको बताए ।
कार्यक्रममा पञ्चासे बुद्ध विहारका प्रमुख मीन गुरु, शिक्षासेवी शेरबहादुर गुरुङ, बाह्बीसे पंैगिलामा परिवार पोखराका अध्यक्ष ना.सु. कुलबहादुर गुरुङ र समितिका सचिव चिजकाजी गुरुङले स्व. गुरुङको योगदानको चर्चा गरे ।
कार्यक्रममा स्मृति पार्क निर्माणका लागि सहयोगस्वरुप उनको परीवार, चेलिबेटी, विभिन्न संघसंस्थाा र ब्यक्तिहरुद्वारा रकम हस्तान्तरण गरिएको थियो । गुरुङको ६२ वर्षको उमेरमा गत वर्ष काठमाडौंमा स्वर्गारोहण भएको थियो ।
Related News
सम्बन्धित समाचार
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
पोखराको चाउथेमा बिजुली पसलमा आगलागी हुँदा १ करोडको क्षति
डुंगा पल्टिएपछि तत्कालै उद्धार
मधेशका सभामुखको टोली महेन्द्रगुफामा
hero news full width
मुख्य समाचार
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१