पोखरा, ३० असार । स्याङ्जाको कालीगण्डकी गाउँपालिकामा पहिरोमा परी ३ जनाको मृत्यु भएको छ । पहिरोमा १ बेपत्ता छन् भने २ घाइते भएका छन् ।
मंगलबार गाउँमा पानी बनाउन जान भनी हिड्ने क्रममा ६ जना स्थानीयहरु पहिरोमा परेका हुन् ।
तीमध्ये कालीगण्डकी गाउँपालिका वडा ४ का इमानसिंह राना, ६० वर्षीय जीमानसिंह थापा र ५० वर्षीय टीकाबहादुर थापाको मृत्यु भएको हो ।
पहिरोबाट घाइते भएका रानाको उपचारक्रममा बिर्घा स्वास्थ्य चौकीमा मृत्यु भएको हो भने अन्य २ जनाको पहिरोमा शव फेला पारिएको जिल्ला प्रहरी कार्यालय स्याङ्जाले जनाएको छ ।
घटनापछि वडा प्रहरी कार्यालय वालिङ, बेलटारीबाट खटिएको नेपाली सेनाको टोली र वालिङबाट सशस्त्र प्रहरीको टोली उद्धार कार्यमा खटिएको थियो । स्थानीयको सहयोगमा दिनभर भएको उद्धार कार्यमा जीमानसिंहको शव साँझ ५ बजेमात्र फेला पारिएको थियो । त्यसपछि मात्र टीकाबहादुर पहिरोमा मृत फेला परेका थिए ।
पहिरोमा अझै कालीगण्डकी गाउँपालिका वडा ४ खहरेका ६० वर्षीय प्रेमचन्द्र पाण्डे बेपत्ता छन् । उनको खोजीकार्य जारी रहेको प्रहरीले जनाएको छ ।
पहिरोमा वडा ४ खहरेका ६८ वर्षीय हुमनाथ पाण्डे र वर्ष ५५ का वीरबहादुर रानाको उद्धार गरी उपचारार्थ पाल्पा अस्पताल पठाइएको थियो । उनीहरुको बिर्घा स्वास्थ्य चौकीमा उपचारपछि थप उपचारका लागि मिसन अस्पताल पाल्पा पठाइएको हो । घाइतेमध्ये पाण्डे वडा ४ का वडा सदस्य समेत हुन् ।
पहिरो आएको देखेपछि भाग्ने क्रममा उनीहरु घाइते भएका हुन् ।
उता, नवलपरासी (बर्दघाट सुस्ता पूर्व) विनयी त्रिवेणी गाउँपालिका वडा ३ चिसापनीका देवबहादुर गेदन मगर मृत फेला परेका छन् ।
स्थानीय चिसापानी खोलाको किनार बाँसको झ्याङगमा उनको शव मंगलबार बिहान फेला परेको प्रदेश प्रहरी कार्यालय गण्डकीले जनाएको छ । उनी अघिल्लो दिनदेखि बेपत्ता थिए ।
यसैगरी, कालीगण्डकीस्थित खहरे खोलामा बाढी आएर खोलाले धार परिवर्तन गर्दा ४ घर परिवार विस्थापित भएका छन् ।
विस्थापित हुनेमा वडा ४ बस्ने ५५ वर्षीय वीरबहादुर रानाको परिवार, देवबहादुर थापाको परिवार, वर्ष ६० का जिमानसिंह थापा र तीलिसरा थापाको परिवार विस्थपित भएको हो ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१