पोखरा । स्पेनिस ला लिगा फुटबलमा लिग लिडर रियल मेड्रिडले ४ अंकको स्पष्ट अग्रता बनाएको छ ।
लिगको ३३ औं चरणको खेलमा रियलले छैटौं स्थानको गेटाफेमाथि १–० को कठिन जित निकाल्दै उपाधि होडमा बार्सिलोनासँग ४ अंकको अग्रता बनाएको हो ।
घरेलु मैदान अल्फ्रेडो डेस्टेफानोमा भएको खेलमा कप्तान रामोसले रियललाई जित दिलाए । खेलको अन्तिम समयतिर रामोसले पेनाल्टी गोल गर्दै रियललाई निर्णायक जित दिलाएका हुन् । निकै प्रतिस्पर्धात्मक बनेको उक्त खेलको ७९ औं मिनेटमा रियलले पेनाल्टी पाएको थियो ।
ड्यानीले बल लिएर अघि बढेको बेला बक्समा गेटाफेका खेलाडीले फाउल गरेर लडाएपछि रियलले पेनाल्टीको अवसर पाएको थियो । जसमा कप्तान रामोसले गल्ती नगरी बललाई जाली चुमाएपछि रियल १–० ले विजयी बन्यो ।
जितसँगै रियलले उपाधि होडमा महत्वपूर्ण ३ अंक बटुलेको छ । रियलले लिगका ३३ खेलबाट ७४ अंक जोडेको छ । समान ३३ खेल नै खेलेको बार्सिलोना ७० अंकसहित दोस्रो स्थानमा छ । बार्सिलोनालाई रियलले स्पष्ट ४ अंकले पछाडी पारेको छ ।
रियलले अंक अग्रता बढाउँदै लग्दा बार्सिलोनाको उपाधि होड संकटमा परेको छ । अब लिगमा अन्तिम ५ खेल बाँकी छन् । यी खेलमध्ये रियलले ३ खेल जित्दै १ खेल हारेर १ खेल बराबरी गरेपनि उपाधि जित्नेछ । बार्सिलोनाले भने बाँकी ५ मध्ये कुनै खेल हारे वा बराबरी गरे भनेपनि रियलले ला लिगाको उपाधि जित्नेछ ।
बार्सिलोनालाई भने उपाधि जित्नका लागि आफ्ना बाँकी ५ वटै खेल जित्नुका साथै रियलले २ खेल हार्नुपर्नेछ । ला लिगा अन्तर्गत शुक्रबारै भएको अन्य खेलमा ओसासुनाले आइबरलाई २–० ले तथा रियल सोसीडाडले ईस्पान्योललाई २–१ ले पराजित गरेको छ ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१