पोखरा १६, असार । कास्की निर्वाचन क्षेत्र नम्बर ३ (१) मा निर्वाचन क्षेत्र पूर्वाधार विकास कार्यक्रमको अनुगमन गर्न सुरु गरिएको छ । उक्त क्षेत्रबाट निर्वाचित सांसद रामजीप्रसाद बराल (जीवन) र प्रदेश सांसद पुष्पा केसी भण्डारीको छनौटमा परेका केही योजनाको सोमबार देखि अनुगमन गर्न सुरु गरेका हुन् ।
सोमबार ७ वटा योजनाको अनुगमन गरिएको अनुगमन समितिका संयोजक समेत रहेकी प्रदेश सांसद भण्डारीले बताइन्। उनका अनुसार पोखरा महानगरपालिका १९ मा दुई, कास्कीको माछापुच्छ्रे गाउँपालिकाका विभिन्न वडाका ५ वटा योजनाहरुको अनुगमन गरिएको हो ।
अधिकांश योजनाहरु हतारहतारमा सम्पन्न भएकाछन भने केही योजनाहरु निर्माण कार्य जारी अन्तिम समयमा सम्पन्न हुने अवस्थामा पुगेको संयोजक भण्डारीले जनाइन् । पोखरा १९ स्थित तल्लाकोट तल्लो डाँडा बाटो निर्माण तथा भूक्षय नियन्त्रक कार्यको लागि विनियोजित २६ लाखको ३ सय २० मिटर ढलान हुने काम अन्तिम चरणमा पुगेको निर्माण समितिका राम आचार्यले बताए । त्यस्तै पोखरा १९ कै शहरडहरमा सामुदायिक बहुउद्देश्यीय भवन निर्माण भएको निर्माण समितिका सविन जिसीले बताए । उनका अनुसार ५ लाखको लागतमा हालै उक्त भवन निर्माण भएको छ ।
त्यसै गरी माछापुच्छ्रे २ घलेखर्क, खैमराङ मोटरबाटो तीन खण्डमा गरी एक सय ८५ मिटर ढलान गरिएको निर्माण समितिका अध्यक्ष सोमबहादुर गुरुङले बताए । उक्त योजनाको लागि १० लाख रुपैया विनियोजन भएको थियो । त्यसैगरी माछापुच्छ्रे ३ को स्याल्पे भूमे पार्क तथा पैदलमार्ग निर्माण कार्य हालै सम्पन्न भएको निर्माण समितिका अध्यक्ष बिष्णु केसीले बताए ।
उक्त योजनामा १० लाख रुपैया विनियोजन भएको हो । माछापुच्छ्रे ३ को सृजना साहित्य सदनले एक लाख रुपैया बराबरको छतमा रेलिङ वार हालेको छ । माछापुच्छ्रे ४ को सानो भिरकटेरा सेती मुल अन्र्तगत सिंचाई कुलो निर्माण भएको छ । ५ लाखको लागतमा उक्त परियोजना हालै सम्पन्न भएको हो । माछापुच्छ्रे ४ कै चर्याङ, टुटुङगा हुदै रिभान जोड्ने पैदल मार्ग निर्माण कार्य सम्पन्न भएको निर्माण समितिका अध्यक्ष मनबहादुर तामाङले बताए । उक्त परियोजनाको लागि ५ लाख बजेट विनियोजन भएको हो, त्यस्तै समितिले अन्य योजना समेत अनुगमन गरेको छ ।
Related News
सम्बन्धित समाचार
मैले गरेको प्रतिबद्धता पूरा गर्छु : सशांक कोइराला
सहकारीका विकृति राजनीतिकर्मीका लागि चुनौती : मुख्यमन्त्री अधिकारी
‘क्वारेन्टिइन’ नहुँदा त्रिवेणी भन्सारबाट आयात निर्यात शून्य
संगम सहकारीको सम्मान
धानको लोपोन्मुख प्रजाति संरक्षण गरिँदै
hero news full width
मुख्य समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१