पोखरा, ८ असार । नेपाल मगर पत्रकार संघ, कास्कीले प्रदान गर्दै आएको राष्ट्रिय मौलिक कौरा संरक्षण पत्रकारिता पुरस्कार–२०७७ का लागि छनौट समिति गठन गरिएको छ ।
राष्ट्रिय मौलिक कौरा संरक्षण समिति, नेपालद्वारा स्थापित सो पुरस्कारका लागि योग्य प्रतिभा छनौट गर्न नेपाल मगर पत्रकार संघका केन्द्रीय का.वा. अध्यक्ष एमबी आस्था मगरको संयोजकत्वमा ६ सदस्यीय प्रतिभा छनौट समिति गठन गरिएको हो ।
संघ, कास्की शाखाको आइतबार बसेको बैठकले प्रतिभा छनौट समितिका सदस्यहरूमा राष्ट्रिय मौलिक कौरा संरक्षण समिति, नेपालका अध्यक्ष हर्क आलेमगर, उपाध्यक्ष तारामाया थापामगर, नेपाल पत्रकार महासंघ, गण्डकी प्रदेशका सचिव रूद्रबहादुर श्रीसमगर, नेपाल मगर पत्रकार संघ, कास्कीका अध्यक्ष रूद्रबहादुर हितानमगर र कार्यसमिति सदस्य मीना थापामगरलाई चयन गरेको संघ, कास्की शाखाका सह-सचिव सुरज थापामगरले जानकारी दिए ।
विश्वव्यापी कोरोना भाइरसको महामारीका कारण विषम परिस्थिति भएपनि पुरस्कारलाई निरन्तरता दिन लागिएको समितिका अध्यक्ष आलेमगरले उल्लेख गरे । यसअघि, समिति स्थापना भएको महिना जेठ महिनामा प्रदान गरिँदै आएकोमा लकडाउनका कारण आगामी साउन १ गते सो पुरस्कार प्रदान गरिने उनले बताए ।
यस पुरस्कारबाट यसअघि, नवलपुरकी कमला रानामगर र कास्कीका तिलकप्रसाद पुनमगर पुरस्कृत भइसकेका छन् । पत्रकारितामार्फत् गण्डकी प्रदेशकै मौलिक संस्कृतिका रुपमा रहेको कौरा नाचको प्रवद्र्धनमा योगदान पु¥याउने एक जना मगर पत्रकारलाई यस पुरस्कारबाट पुरस्कृत गरिँदै आएको छ । पाँच हजार रुपैयाँ राशिबाट सुरु भएको सो पुरस्कारको राशि हाल १० हजार रुपैयाँ नगद रहेको छ ।
Related News
सम्बन्धित समाचार
विश्व हिन्दु महासंघ गण्डकीमा मुक्तिराम
पोखरामा श्रीमद्भागवत् महायज्ञ सुरु
नयाँबजारमा भोलिदेखि श्रीमद्भागवत् ज्ञान महायज्ञ
तोरन्लमा रमाउँदै थकाली समुदाय
पोखरामा श्रीमद्भागवत् ज्ञान महायज्ञ तयारी
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१