पोखरा । कास्कीको माछापुच्छ्रे गाउँपालिका–६, भेँडाबारीमा सकर बिचसहितको बहुउद्देश्यीय ट्रेनिङ सेन्टर बन्ने भएको छ ।
ट्रेनिङ सेन्टरको निर्माण भएपछि पोखराको फुटबल विकासमा कोसेढुङ्गा सावित हुने यहाँका फुटबल पारखीहरु बताउँछन् ।
फुटबलको सर्वोच्च निकाय (फिफा) को सहयोगमा ट्रेनिङ सेन्टर बन्न लागेको हो । गत जेठ १९ गते बसेको अखिल नेपाल फुटबल संघ (एन्फा) कार्यसमितिको भच्र्युल बैठकले उक्त निर्णय गरेको थियो । जुन बैठकले ट्रेनिङ सेन्टरको निर्माण कार्य शुरु गर्न पहिलो चरणका लागि १७ करोडको बजेट समेत छुट्यायो ।
मर्दी खोलाको किनार भेँडाबारीमा २ वटा बिच सकर सहितको अन्तराष्ट्रियस्तरको फुटबल ग्राउन्ड बन्नेछ । २ सय ५२ रोपनी जग्गामा चरणबद्ध रुपमा ट्रेनिङ सेन्टरका संरचनाहरु बन्नेछन् ।
जसमा फुल साइजको ट्रेनिङ फुटबल मैदान, अन्तराष्ट्रियस्तरको टुर्नामेन्ट संचालन गर्ने खेल मैदान, २ वटा फुटसल ग्राउन्ड, चेञ्जिङ रुम, ट्रेनिङ वाटर स्वीमिङ पुल, ३५/३५ जनासम्म अट्ने छात्रछात्रा दुबैतर्फको छुट्टाछुट्टै २ वटा होस्टल, फिजिकल ट्रेनिङ जिम हल, सेमिनारका लागि कन्फरेन्स हल, अतिथिहरुका लागि क्वार्टरहरु बन्नेछन् ।
ट्रेनिङ सेन्टरको प्रोजेक्ट म्यानेजर गोकुल थापाले ४ चरणसम्म ट्रेनिङ सेन्टरको पूरा निर्माण कार्य सकिने बताए । थापाका अनुसार पहिलो चरणमा फूल साइजको ट्रेनिङ फुटबल ग्राउन्ड, ३५ जनासम्म अट्ने २ तले ब्वाइज होस्टल, ट्रेनिङ ब्लक, एक्जीक्युटिभ क्वार्टर, गेष्ट क्वार्टर, क्यान्टिन, फूट कोर्ट, २ तले गार्ड हाउस र कमन ट्वाइलेट बन्नेछन् । साथै, २ वटा गेटसहितको बाउन्ड्री वालहरुको निर्माण कार्य पहिलो चरणमा बन्ने थापाले उल्लेख गरे ।
दोस्रो चरणमा फुटबल टुर्नामेन्ट संचालन गर्ने अन्तराष्ट्रियस्तरको खेल मैदान सहित ३५ जनासम्म अट्ने गल्र्स होस्टल, प्रशासन ब्लक, एक्जीक्युटिभ क्वार्टर, गेष्ट क्वार्टर, फिजिकल ट्रेनिङ जिम हल, मेडिकल रिहाभ सेन्टर, स्टाफ क्वार्टर र गल्र्स कमन ट्वाइलेट बन्नेछन् ।
तेस्रो चरणमा अर्र्को फुटबल ट्रेनिङ ग्राउन्ड, ट्रेनिङ ब्लक, ट्रेनिङ वाटर स्वीमिङ पुल, ४ देखि ६ वटासम्मको सावरसहितको ड्रेसिङ रुम टिकट काउन्टर, पब्लिक कमन ट्वाइलेट, सोभनियर सप बन्नेछन्।
अन्तिम चरणमा बिच सकरका २ वटा ग्राउन्ड बन्नेछन् । त्यस्तै, २ वटा फुटसल ग्राउन्डसहितको चेञ्जिङ रुम, २० बाई ४० को आर्टिफिसियल पिच, क्लक टावर, एउटा ब्याडमिन्टन कोर्ट, पब्लिक कमन ट्वाइलेट, पब्लिक र खेलाडीहरुका लागि मोटर पार्किङ बन्ने थापाले बताए ।
ड्रिम प्रोजेक्ट ट्रेनिङ सेन्टरको डीपीआर तयार भइसकेको थापाले बताए । संपूर्ण संरचनाको निर्माण कार्य पूरा हुन ५० करोडसम्म लाग्ने अनुमान निर्माण कम्पनीको रहेको उनले बताए ।
‘डीपीआर सहितको अनुमानित बजेटको प्रपोजल फिफामा बुझाएका छौं, फिफाले हाम्रो प्रपोजललाई एप्रोभ गर्नै बाँकी छ,’ थापाले भने, ‘आवश्यक थप संरचनाहरु पछि पनि थपिन सक्छ, ७०/८० करोडसम्ममा संरचनाहरुको निर्माण कार्य पूरा हुने हाम्रो अनुमान हो ।’
हाल उपलब्ध २ सय ५२ रोपनी जग्गामा उक्त संरचनाहरु बनाउन लागेको एन्फा कास्की अध्यक्ष मिलन गुरुङले बताए । यस वर्ष अखिल नेपाल फुटबल संघ (एन्फा)ले पहिलो चरणको निर्माण कार्यका लागि १७ करोड ५५ हजारको बजेट छुट्याएको गुरुङले जानकारी दिए । लक डाउन खुलेलगत्तै निर्माण कार्य शुरु गर्ने गुरुङको भनाई छ । गुरुङले परियोजनालाई ड्रिम प्रोजेक्टका रुपमा लिएको बताए ।
गुरुङले भने, ‘साउथ एसियामै उत्कृष्ट ट्रेनिङ सेन्टर बन्न लागेको हो । ट्रेनिङ सेन्टरमा ३ वटा अन्तराष्ट्रियस्तरका फूल साइजका फुटबल ग्राउन्डहरु बन्नेछन् । २ वटा आर्टिफिसियल मिनी पिच बन्नेछ । २ वटै फुटसल ग्राउन्ड बन्नेछ । खेलाडीहरुका लागि ट्रेनिङ स्वीमिङ पुलसमेत बन्दैछ ।’
फुटबलको विकासका लागि पोखरामै यस्तो ट्रेनिङ सेन्टर बनाउन एन्फाले महत्व दिएको हो । देशी, विदेशी राष्ट्रिय टिमहरुको व्यवस्थित ट्रेनिङदेखि प्रशिक्षक, रेफ्री लगायत प्राविधिक जनशक्ति उत्पादन गर्ने हिसावले ट्रेनिङ सेन्टर महत्वको बन्ने एन्फाको विश्वास छ ।
ट्रेनिङ सेन्टरको निर्माण कार्य पूरा भइसकेपछि युवादेखि सिनियर टिमको महिला तथा पुरुष दुवैतर्फको ट्रेनिङ, प्रशिक्षकलाई सेन्स कोर्ष, रेफ्रीलाई रेफ्री कोर्ष र रिफ्रेसर कोर्ष तथा प्राविधिकहरुलाई प्रशासनिक कोर्ष तथा विभिन्न जिल्लाबाट छनोट भएर आएका खेलाडीहरुलाई युथ इलाइट प्लेयर ट्रेनिङ गराउने उद्देश्य एन्फाले राखेको छ ।
Related News
सम्बन्धित समाचार
जलवायु परिवर्तन असर : मुस्ताङको स्याउ उकालो चढ्दै
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
hero news full width
मुख्य समाचार
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१