जेठ २३ पोखरा । गण्डकी प्रदेश अर्थ तथा विकास समितिका सभापति दीपक कोइरालाले नेपालमा वार्षिक २ अरब भन्दा वढीको कागती आयत हुने गरेको बताएका छन् ।
विहीबार आफ्नै निर्वाचन क्षेत्र कास्की १ (१)अन्तरगत पर्ने पोखरा महानगरपालिका वडानं ३१ बेगनासमा कागती पकेट क्षेत्रमा कागतीको विरुवा लगाउदै कागतीमा आत्मनिर्भर बन्नुपर्ने बताएका हुन् । सभापति कोइरालाले हाम्रो हावा पानी र माटोमा उत्पादन गर्न सकिने कागती पनि वार्षिकरुपमा भारतबाट २ अरब भन्दा वढी आयत हुने गरेको तथ्याङ रहेको भन्दै स्वदेशमै कागती उत्पादन गरेर आत्म निरर्भर बन्नुपर्नेमा जोड दिएका हुन् ।
कागतीको आयत रोक्ने अभियान बेगनासबाट शुरु भएको बताउदै सरकाले गरेको लगानीलाई परिणाम मुखी बनाउन किसानहरुलाई आग्रह गरे । जिल्ला समन्वय समिति कास्कीका उपप्रमुख सावित्री भण्डारीले बच्चा हुर्काउदा जस्तै गरी कागतीको विरुवाको संरक्षण गर्नुपर्ने बताए । बेगनासमा शुरुभएको कागती खेती अभियान देशकै नमूना बन्नुपर्ने बताए ।
कृषि ज्ञानकेन्द्र स्याङ्जाका प्रमुख शालिकराम अधिकारीले प्रधानमन्त्री कृषि आधुनिकीकरण परियोजना अन्तरगत पकेट र बलक कृषि ज्ञानकेन्द्रले सञ्चालन गरेको जानकारी दिदै सरकारको ५० प्रतिशत अनुदान र कृषकको ५० प्रतिशत लगानीमा कुल ३२ लाखको लगानीमा वेगनासमा कागती खेती शुरुगरिएको बताए । परीक्षणको रुपमा हेरिएको कागती खेती कृषकहरुले राम्रो गरे पकेटबाट बलकमा जान सकिने तर सम्झौता अनुसार काम नगरे आफ्नो कार्यालयले भुक्तानी समेत नगर्ने बताए ।
अधिकारीले वेगनास क्षेत्रमा १७ हजार कागतीको विरुवा रोपिने बताए । कोट देउराली बहुउद्देश्यीय सहकारी सस्था लिमिटेड पोखरा ३१ वेगनास मार्फत कागती पकेट सञ्चाललक समिति गठन गरेर विरुवा रोप्न शुरु भएको समितिका अध्यक्ष विष्णुप्रसाद लामिछानेले जानकारी दिए । कार्यक्रममा पोखरा महानगरपालिका कार्यपालिका सदस्य चतुरे विक ,वडानं ३१का जनप्रतिनिधि पूर्णखर पाण्डे , कोट देउराली बहुउद्देश्यीय सहकारी सस्था लिमिटेडका अध्यक्ष सुरेन्द्र सापकोटा, कागती पकेट सञ्चालक समितिका सचिव श्रीराम कंडेल लगायतले बोलेका थिए ।
Related News
सम्बन्धित समाचार
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
गण्डकी मेडिकल कलेजमा वित्तीय साक्षरता
कास्कीका सहकारी पीडित एउटै मोर्चामा, बन्यो संयुक्त संघर्ष समिति
hero news full width
मुख्य समाचार
अधिकारी सरकारको वैधताको टुंगो आज !
पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१बुढ्यौलीमा भेडीगोठ मोह
वैशाख १६, २०८१पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
वैशाख १६, २०८१