पोखरा, जेठ १७ । चलचित्र पत्रकार संघ नेपाल, कास्की शाखाले पोखरा आसपासका १ सय परिवारलाई खाद्यान्न वितरण गरेको छ । ‘पोखरा नेपाल–यूके फाउन्डेशन’ को आर्थिक सहयोगमा करिब ३ लाख रुपैयाँ बराबरको अत्यावश्यक खाद्यान्न सामाग्री वितरण गरिएको संस्थाले जनाएको छ।
‘लकडाउनका कारणले दैनिक ज्यालादारी गर्न नपाएका मजदुर परिवारलाई हामीले खाद्यान्न वितरण गरेका हौँ ।अत्याधिक समस्यामा परेका समूहको पहिचान गरि हामीले घर घरमै पुगेर खाद्यान्न वितरण गरेका हौँ ।’ चलचित्र पत्रकार संघ नेपाल, कास्की शाखाका अध्यक्ष अरुण गिरीले भने–‘आर्थिक सहयोग गरेर हामीलाई सपोर्ट गर्ने पोखरा नेपाल–यूके फाउन्डेशनलाई विशेष धन्यबाद ।’
त्यसो त संघले चलचित्र सम्बन्धि क्रियाकलापहरु गर्दै आएको थियो । तर लकडाउनको मारमा अहिले अति समस्यामा परेका व्यक्तिहरुलाई संघको विशेष पहलमा सहयोग गरिएको अध्यक्ष गिरीले बताए । ‘यो समयमा चलचित्र क्षेत्र पनि निकै प्रभावित छ । यद्यपि समस्या सबैतिर उस्तै छ । हामीले मानवियताको हिसाबले कुनै क्षेत्र नतोकी राहत वितरण गरेका हौँ । र, यो कर्मले हामीलाई समाजसँग अझै नजिकिने मौका पनि दिएको छ ।’उनले भने ।
चलचित्र पत्रकार संघ र ‘पोखरा नेपाल–यूके फाउन्डेशन’ लाई एक ठाउँमा ल्याउने काम फिल्मकर्मी प्रकाश गुरुङ ‘काश’ ले गरेका थिए । उनी फिल्मको सिनेम्याटोग्राफर पनि हुन् । ‘म आफै पनि फिल्मकर्मी भएकोले चलचित्र पत्रकार संघ सँगको बोन्डिङ राम्रो थियो । र, यूकेबाट मेरा नेपाली साथीहरुले ममार्फत नै रकम संघका लागि पठाएका हुन् ।’ प्रकाश गुरुङ ‘काश’ले भने–‘चलचित्र पत्रकार संघसँग जोडिएर यो पुण्य काममा योगदान दिन पाउँदा म निकै खुशी छु ।’
राहत वितरणको क्रममा स्थानिय स्तरमा गायक गौतम गुरुङ र गुरुङ फिल्मकी नायिका उर्मिला गुरुङले पनि सहजिकरण गरेका थिए ।
‘पोखरा नेपाल–यूके फाउन्डेशन’ यूकेमा काम गर्ने नेपालीहरुको संस्था हो । विपद्मा परेका नेपालीहरुलाई सहयोग गर्ने उद्देश्य सहित स्थापित संस्थाले त्यहाँका करिब २ सय ४०जना नेपालीहरुसँग आर्थिक सहयोग संकलन गरेको थियो । संस्था मार्फत जगत गुरुङ र भीम महेन्द्र गुरुङले आर्थिक संकलनको नेतृत्व गरेका थिए ।
‘अहिले विश्व नै विपद्मा छ । र, नेपालमा पनि त्यसको प्रभाव छ । नेपालीहरु समस्यामा पर्दा विदेशिएका हामी नेपालीलाई अझै बढि दुख्छ ।’ यूकेबाट जगत गुरुङ र भीम महेन्द्र गुरुङले भने–‘त्यसैले हामीले सानो भएपनि सहयोगी हात बढाएका हौँ ।’ साथै उनीहरुले सहयोग वितरणको व्यवस्थापन राम्रो गरिदिएकोमा चलचित्र पत्रकार संघ नेपाल, कास्कीलाई धन्यबाद समेत दिए । त्यस्तै यूकेमा आफूहरुले थालेको अभियानमा साथदिने सम्पूर्ण नेपालीहरुलाई पनि उनीहरुले धन्यबाद दिए ।
‘पोखरा नेपाल–यूके फाउन्डेशन’ले पोखरा र आसपासका क्षेत्रमा विपद्मा रहेका थुप्रै परिवारलाई सहयोग गरिसकेको छ । यसअगाडि संस्थाले जक्शनग्रुप प्रालि, पोखरा साँगीतिक कलाकार संघ र मेरो साथी टिभीमार्फत सहयोग गरिसकेको छ । हालसम्म संस्थाले कुल १३ लाख रुपैयाँ बराबरको सहयोग गरिसकेको छ । जसबाट ४ सय ५० परिवारका करिब २ हजार १ सयजनाले राहत प्राप्त गरिसकेका छन् ।
Related News
सम्बन्धित समाचार
डुंगा पल्टिएपछि तत्कालै उद्धार
मधेशका सभामुखको टोली महेन्द्रगुफामा
प्रकटको स्मरणमा फिल्म ‘प्रतिबद्धता’ प्रदर्शन
कैदीबन्दी न्यायिक सरोकारमा नलबहादुर मनोनित
आगोलागी नियन्त्रणसम्बन्धी सचेतना
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१