प्राकृतिक रुपमा सुन्दर पोखरा खेल पर्यटनका लागि उत्तिकै आकर्षक छ । अन्यत्र सम्भव नभएका थुप्रै साहसिक खेल पोखरा र आसपासमा हुन्छन् । प्याराग्लाइडिङ, अल्ट्रालाइट, बन्जिजम्प, क्यानोनिङ, जिप फ्लायर, हटएअर बेलुनलगायत खेलकुद गतिविधिले पनि पोखरा चिनाएको छ । गएको वर्ष पोखराले आठौं साग भव्यरुपमा गरेर उदाहरण नै देखायो । रातारात भए पनि रंगशाला मर्मत गरेर प्रतियोगिता भए । आश गरे अनुसारका पदक पनि हात पारे नेपाली खेलाडीले । रंगशाला परिसरमै सुविधा सम्पन्न क्रिकेट मैदान छ । अहिले प्रदेश सरकारले पोखरा ३३ भरतपोखरीमा अन्तर्राष्ट्रियस्तरको क्रिकेट मैदान बनाउन लागेको छ । जसका लागि विस्तृत आयोजना प्रतिवेदन (डीपीआर) पनि तयार भइसकेको छ । कास्कीमात्रै होइन गण्डकीकै र नेपालकै लागि गौरव हुने गरी पोखरा नजिकै अखिल नेपाल फुटबल संघले एन्फा ट्रेनिङ सेन्टरको प्रस्ताव ल्याएको छ । फिफाको लगानीमा बन्ने उक्त सेन्टरको प्रारम्भिक पूर्वाधारका लागि गण्डकी प्रदेश सरकारले पनि लगानी गर्ने भएको छ ।
कर्माछिरिङ शेर्पाले एन्फा अध्यक्षमा उम्मेदवारी दिइरहँदा ७ प्रदेशमा १४ ट्रेनिङ सेन्टर बनाउने विषयलाई घोषणापत्रमा समेटेर चुनावमा होमिएका थिए । संयोगले उनी विजयी भए । चुनाव जितेलगत्तै बसेको एन्फाको बैठकले कास्कीको माछापुच्छ्रे गाउँपालिका ६ भेंडाबारीमा बहुद्देश्यीय ट्रेनिङ सेन्टर बनाउने निर्णय ग¥यो । अभ्यासका लागि ४ खेल मैदानसहित होस्टेल, जिम हल, गेस्ट रुम, स्विमिङ पुल, पुस्तकालय रहने गरी संरचना बनाउने प्रस्ताव पारित भएको हो । ‘ड्रिम प्रोजेक्ट’ को रुपमा निर्माण गर्ने भनिएको ट्रेनिङ सेन्टरमा राष्ट्रिय फुटबल टिम, रेफ्री, प्रशिक्षक तथा विभिन्न उमेर समूहको अभ्यास तथा ट्रेनिङहरु सञ्चालन गर्ने लक्ष्य राखिएको छ । ८० जना बालबालिकालाई अभ्यासका लागि राख्ने पनि योजना छ ।
२०७७ सालमा उक्त प्रोजेक्टको शिलान्यास गरिने बताए पनि २०७८ लागिसक्दा टेन्डर आह्वान हुन सकेको छैन । आफ्ना केही माग राख्दै आफ्नै ठाउँमा उक्त आयोजना बन्नुपर्ने बताएका स्थानीय ६ महिना बितिसक्दा पनि शिलान्यास नहुँदा अचम्मित छन् । केही आयोजना अन्त कतै सरेको हो कि ? भनेर आशंका गर्न थालेका छन् । फुटबलको मात्र नभई स्थानीयस्तरमै विकासका गर्ने अन्तर्राष्ट्रिय क्षेत्रसँग जोडिने उक्त प्रोजेक्टको सपना देखेका स्थानीय पनि कहिले बन्छ भन्ने आशामा बसिरहेका छन् । यति धेरै महत्वको यो योजनालाई तत्काल अगाडि बढाउन स्थानीय तह र प्रदेश सरकारले पनि जोड दिनुपर्ने देखिन्छ । पोखराभन्दा केही परको माछापुच्छ«ेमा तयार हुने यो परियोजनाले त्यस क्षेत्रको भविष्य पनि खोल्नेछ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१