१. नयाँ संविधान अनुसार स्थानीय तहको निर्वाचन दुर्इ चरणमा सम्पन्न भएको छ। पहिलो चरणमा भएको निर्वाचनमा विजयी जनप्रतिनिधिहरुले कार्यभार सम्हालेका छन् भने दोस्रो चरणको निर्वाचनको परिणाम आउने काम अन्तिम चरणमा पुगेको छ। अब २ नम्बर प्रदेशको निर्वाचन मात्र बाँकी छ। त्यो असोज २ गते गर्ने घोषणा भइसकेको छ।
२. निर्वाचित जनप्रतिनिधि धेरै प्रफुल्लित भएका छन्। उनीहरु विकास र निर्वाणका अनेक सपना देख्न थालेका छन्। कहाँ के गर्ने, कसो गर्ने भनेर उत्साह साथ आफ्नो काममा व्यस्त भएको देखिएको छ। जसलाई राम्रो संकेतको रुपमा लिनु पर्दछ।
३. संविधान सभाबाट संविधानको घोषणा भएदेखि देश एउटा सकारात्मक मोडमा गएको छ। स्थानीय तहको निर्वाचनले त्यो मोडलाई प्रष्ट पारेको छ। अब प्रदेश र संसदको निर्वाचन भएपछि स्थिर सरकार आउने र विकास निर्माणका काम कुराले एउटा निर्दिष्ट लक्ष्य प्राप्त गर्ने निश्चित छ।
४. भविष्यको त्यस्तो प्रष्ट कुरा छँदाछँदै पनि लोकतन्त्र, गणतन्त्र, संघीयता र धर्मनिरपेक्षता अर्थात् आधाुनिकतालाई पटक्कै मन नपराउनेहरुले अनेक माध्यमबाट हिलो छ्याप्ने काम गरिरहेका छन्। उनीहरु बेला कुबेला उही राजतन्त्रको गुणगान गरी सबै पञ्चायत नै फर्काउने प्रयासमा छन्।
५. संविधान सभामा राष्ट्रिय प्रजातन्त्र पार्टीले समानुपातिक तर्फबाट केही सीट ल्याउन सफल भएपछि उनीहरु अरु पुलकित भएका थिए। धर्म, राष्ट्र र राष्ट्रियताको नारा खूब चर्काएका कमल थापाको मुख्य स्रोत कहाँ छ भन्ने कुरा समयले विस्तारै उजागर गरेको छ। कोरा नाराले मात्र देश बन्दैन।
६. त्यसरी देश बन्ने भए पञ्चायत कालमा दिन दुर्इ गुणा रात चौगुणाको हिसाबले देश बन्ने थियो। जनताको सवै अधिकार खोसेर केही गर्न नसकेको कुरा घामजस्तै प्रष्ट छ। तर त्यसैलाई स्वणिर्म कालझैं गरी एक थरिले अनेक प्रचार गर्दैछन्। नेपालीको उज्यालो भविष्यलाई अन्धकार भनी आफ्नै आँखामा कालो लगाउँदैछन्।
७. उनीहरुको त्यस्तो प्रयास व्यवस्थित र निरन्तर किसिमले आइरहेको छ र सवसाधारणलाई भ्रममा पार्ने प्रयास गरिरहेका छन्। त्यो प्रयास हेर्दा केही जस्तो देखिँदैन, तर सर्वसाधारणलाई भ्रम पार्ने र निराश बनाउने सम्भावना रहन्छ। अहिले सबै उत्साही भएर अग्रगमन तिर जानुपर्ने बेलामा उनीहरुले पछाडि फर्काउने प्रयास गरिरहेका छन्। हाम्रो लक्ष्य अग्रगमन हो। यस्तोमा स्थानीय तहका जनप्रतिनिधिहरुले केही गम्भीर भएर यतातिर पनि ध्यान पुर्याउनु आवश्यक देखिन्छ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
पोखरामा बुद्ध जयन्तीको सप्ताहव्यापी कार्यक्रम
जिबी राईको राहदानी रद्द भएन
जेठ १, २०८१पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१