१.सम्बृद्धिको नारा दिएर दक्षिण एशियाली क्षेत्रीय सहयोग स·ठन -सार्क) को १८ औँ शिखर सम्मेलन आज काठमाडांैमा प्रारम्भ हुन गइरहेको छ।  दुर्इ दिनसम्म चल्ने यो शिखर सम्मेलनप्रति विश्वका महत्त्वपूर्ण राष्ट्र र नेताहरूले सार्कले के कस्तो प्रस्ताव पारित गर्दछ भनेर उत्सुकतापूर्वक नियालिरहेका छन्। त्यस दृष्टिले यो सम्मेलनको ठूलो महत्त्व छ।

२. सन् १९८५ मा स्थापना भएको यो सम्मेलनले धेरै उकाली ओरालीका सिंढीहरू पार गरेको छ। सार्क राष्ट्रका सदस्यहरूबीच उत्पन्न विवादले कतिपटक त यसको शिखर सम्मेलन समेत हुन नसकेको तीतो अनुभव छ। कतिपटक त शीर्ष नेताहरू सम्वादहीनताको स्थितिमा समेत पुगेका थिए। कुनै बेला उनीहरूले आपसमा हात मिलाउनु पनि अन्तर्राष्ट्रिय चर्चाको विषय भएको थियो।

३. त्यसो त यसको स्थापना नै शड्ढा र सन्देहको घेरामा भएको थियो। यसको स्थापनामा नेपाल र बंगलादेशले सक्रिय भूमिका निभाएका थिए। भारत र पाकिस्तानले यसमा धेरै सोचेर मात्र सहभागी भएका थिए। त्यसबेला यसको सङ्ख्या सात मात्र थियो भने अफगानिस्तान पछि सदस्य भएको थियो।

४. चीन, अमेरिकालगायत केही देशहरू यसका पर्यवेक्षक छन्। ती पर्यवेक्षक देशहरूले पनि शिखर सम्मेलनमा सहभागी भएर आफ्नो विचार राख्न पाउँछन्। यो एक पुरानो अन्तर्राष्ट्रिय संस्था भएकोले हिजो यसप्रति रुची नराख्नेहरू अहिले यसको सदस्य हुन चाहिरहेछन्। नेपालमा विभिन्न माध्यमहरूबाट त्यस्तो चाहनाको स्वर सुनिन थालिएको छ।

५. त्यस्तो आकर्षण भए पनि सार्कको आलोचना बेसरी हुने गरेको छ। यसभन्दा पछि स्थापना भएको अन्तर्राष्ट्रिय संस्थाहरूले धेरै काम गरेर एकले अकोर्लाई धेरै सघाउ पुर्‍याएका छन् भने यसले घोषणा पत्रमा उल्लेखित कुरा पनि व्यवहारमा देखाउन सकेको छैन। सहयोगको नाममा प्रस्ताव पारित त गरिन्छ तर त्यो सहयोग व्यवहारमा परिणत हुँदैन भन्ने गुनासो धेरै छ।

६. गुनासो गरिए पनि कछुवा गतिमा भए यो अघि बढिरहेको छ। शिक्षा, संस्कृति र खेलकुदको क्षेत्रमा केही भएको छ। व्यापारमा आशा गरिए जत्ति काम भएको छैन। भारत र पाकिस्तानको द्वन्द्वले गर्दा पनि यसको प्रगति हुन नसकेको हो। तर विगतमा भन्दा अहिले तिनीहरूको वैमनस्यता कम भएको छ।

७. त्यस दृष्टिले महत्त्वपूर्ण बेलामा नेपालमा यो १८ औँ शिखर सम्मेलन हुन गइरहेको छ। ती दुर्इ देशलाई अनुकूल वातावरण बनाई आपसी वार्ता गराउनु र सौहार्दताको स्थितिमा पुर्‍याउनु आयोजक राष्ट्र नेपालको कर्तव्य पनि हो। नेपालले सार्क सम्मेलनलाई सफल बनाउन धेरै प्रयास गरेको छ। परराष्ट्र सचिव र परराष्ट्र मन्त्रीस्तरमा जे जति बैठकहरू हिजो, अस्ति नेपालमा सम्पन्न भए, त्यसले सार्कलाई सफलताको स्थितिमा पुर्‍याउने प्रष्ट देखिएको छ।