हाम्रो सरकारको काम गर्ने तौर तरिका र कामको गति के कस्तो छ भन्ने कुरा यस पटक फेरि प्रष्ट देखिएको छ । सरकारले संक्रमणकालीन न्यायसम्बन्धी विधेयक फास्ट ट्रयाकबाट पारित गराउने प्रयास गरेपछि त्यो कुरा टड्कारो देखिएको हो । सरकार र माओवादीबीच २०६३ सालमा विस्तृत शान्ति सम्झौता भएको थियो । शान्ति सम्झौतामा दुवै पक्षद्वारा बेपत्ता पारिएका र मारिएकाको नाम, थर र ठेगाना ६० दिनभित्र सार्वजनिक गरी परिवारजनलाई जानकारी दिने उल्लेख गरिएको छ । तर १६ वर्ष बिते पनि बेपत्ता पारिएकाहरूको नाम न सरकारले सार्वजनिक गर्यो, न माओवादीले नै । पहिले सरकार र माओवादी बेग्लाबेग्लै पक्षका थिए भने अहिले माओवादी आफैं सरकारमा गएपछि र सरकारको नेतृत्वमा पुगेपछि ती दुई पक्षलाई बेग्ला–बेग्लै भन्ने कुरा पनि भएन । १६ वर्षसम्म सरकार निदाएर बस्यो तर अहिले त्यसलाई फास्ट ट्रयाकबाट पास गर्नु पर्यो भन्दै छन् ।
यो र यस्तै अन्य विषयमा सरकार र प्रमुख प्रतिपक्ष एमालेबीच रहेको मतभेद हटाउन र संसद प्रभावकारी नभएको सांसदहरूको आरोप चिर्न सभामुख देवराज घिमिरेले प्रयास गरेका छन् । उनले माओवादी अध्यक्ष तथा प्रधानमन्त्री पुष्पकमल दाहाल, कांग्रेस सभापति शेरबहादुर देउवा र एमालेका अध्यक्ष केपी ओलीलाई एकै ठाउँमा राखेर शनिबार छलफल गराएका छन् । सरकार फास्ट ट्रयाकबाट विधेयक पारित गर्ने पक्षमा छ भने प्रमुख प्रतिपक्ष विषयगत समितिमा पठाएर विस्तृत छलफल गराउने पक्षमा छ । सभामुख घिमिरेले उनीहरूबीच छलफल गराए । अहिलेलाई त्यही नै ठूलो कुरा भएको छ तर छलफलको निचोड निस्केको छैन । अध्यक्ष ओलीले भने झैं संसदीय समितिमा पठाउनलाई समिति नै गठन भएको छैन ।
संसदीय समितिमा पठाउने नपठाउने सरकार र प्रतिपक्षी पार्टीको कुरा हो । तर यो संक्रमणकालीन न्यायको कुरा तिनीहरूसँग मात्र सम्बन्धित कुरा होइन । यो विषय मानव अधिकारसँग सम्बन्धित छ, कानुन र न्यायालयसँग पनि सम्बन्धित छ र यसले पीडक र पीडितसँग पनि प्रत्यक्ष सम्बन्ध राख्छ । सबैको सल्लाह र सम्मतिअनुसार यसको निर्णय हुनुपर्दछ । सत्तामा बसेको बेला र बहुमत आफ्नो पक्षमा भएको बेला पेलेरै निर्णय गर्ने र पारित गर्ने गरियो भने त्यसले अनावश्यक विवाद निम्त्याउन सक्छ । त्यसो गरियो भने त्यो विषय झन् जटिल र विवादास्पद बन्न सक्छ । त्यसो भयो भने त्यसले अरु लामो समय लिन सक्छ । यसमा सबै पक्षले सोच्नु आवश्यक छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१