१. शनिबार गएको विनाशकारी भूकम्पले देशमा पुर्याएको धनजनको अपार क्षतिलाई स्थानमा राखेर तथा भूकम्पपीडितहरूलाई एकलव्य भएर राहत सड्ढलन र वितरण गर्न सकियोस् भनी सरकारले संकटकालको घोषणा गरेको छ। प्रधानमन्त्री सुशील कोइरालाले म·लबार अपरान्ह राष्ट्रको नाममा विशेष सम्बोधन गरी तीन दिन राष्ट्रिय शोक घोषणा गरेका छन्।
२. राष्ट्रिय शोकको यस घडीमा सम्पूर्ण नेपाली एकजुट भएर पीडितहरूको उद्धारका लागि सहयोगको हात बढाउनुपर्दछ। सरकारले चालेको कदममा होस्टेमा हैसे गर्नुपर्दछ। राहत सड्ढलनमा तीव्रता दिनुपर्दछ र सड्ढलित राहतका सामग्री छिटोभन्दा छिटो पीडितहरूकोमा पुर्याउनुपर्दछ।
३. भूकम्पबाट पीडित भएको ६ दिन बितेको छ। तैपनि ती पीडितहरू अझै खुल्ला आकाशमुनि रहन बाध्य भएका छन्। तिनीहरूमध्ये कतिपयले एकछाक खान पनि पाएका छैनन्। अझ पनि राहत सामग्री पाउन सकेनौं भन्नेहरूको सङ्ख्या ठूलो छ। दूरदराज गाउँमा त्यसो भन्नेहरूको सङ्ख्या बढी छ।
४. एकातिरको स्थिति यस्तो छ भने अकोर्तिर भग्नावशेषमा पुरिएकाहरूको उद्धार गरी निकाल्न सकिएको छैन। ८२ घण्टा पुरिएकालाई जीवितै उद्धार गरिएकाले भग्नावशेषको उत्खनन् गर्ने काममा पनि उत्तिकै तीव्रता दिनुपर्ने अवस्था छ। खास गरेर काठमाडौंको ठूल्ठूला महलको भग्नावशेषमा विशेष ख्याल गर्नुपर्ने अवस्था छ।
५. एकातिर राष्ट्रिय समस्या यस्तो विकराल र जटिल छ भने अकोर्तिर सरकारको विरोधमा स्वरहरू उठ्न थालेको छ। सरकारले राम्रो काम गर्न सकेन, छिटो गरेन, सरकारको अस्तित्व देखिएन भन्ने विरोधी स्वर सडकमा समेत देखिन थालेको छ। यस्तो अवस्थामा सरकारको आलोचना गरेर होइन, त्यसको काम गर्ने क्षमता अभिवृद्धि गर्ने र काममा तीव्रता ल्याउने उपाय गर्नुपर्दछ।
६. जहाँसुकै र जहिले पनि नकारात्मक सोच राख्नुहुँदैन। हामीले कति, छिटो छरितो चुस्त र फूर्ति साथ काम गर्न सक्छौं भन्ने कुरा हामीले बनाउन लागेको संविधानले देखाएको छ। हाम्रो विकासको गतिले देखाएको छ। हाम्रो गति त्यस्तो छ भने अहिले युद्धस्तरमा गर्ने भन्दैमा कति परिवर्तन आउला र ?
७. सरकारले संरचना बनाएको छ। दातृ राष्ट्र र निकायहरूले सहयोग घोषणा गर्दैछन्। हाम्रा मित्र राष्ट्रहरू धेरै भएकाले सहयोगको सायद कमी नहोला। हाम्रो समस्या वितरण व्यवस्थापन हो। व्यवस्थापनलाई चुस्त र फूर्तिलो पार्न सक्नु आजको आवश्यकता हो। त्यो काम जिल्लामा रहेका प्रशासनिक निकायहरूले तत्परता देखाएमा पनि धेरै हदतक सुल्झन सक्छ। यी सबैका लागि हामी तत्पर रहौं, यही हाम्रो आग्रह छ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
पर्वत र बागलुङका सिडिओ फेरिए
जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१