यस पटकको प्रतिनिधि सभाको निर्वाचनले नेपाली कांग्रेसलाई सबभन्दा ठूलो दल बनायो भने एमालेलाई दोस्रो र माओवादीलाई तेस्रो बनायो । त्यसबेला कांग्रेस र माओवादीलगायत पार्टीको गठबन्धन सरकार थियो । त्यो गठबन्धनले मिलेर चुनाव लडेको थियो । त्यसरी लडेकाले भागबन्डाको कुरा आयो । नेपाली कांग्रेसले पहिलो पटक प्रधानमन्त्री आफूले पाउनुपर्ने दाबी गरेको थियो भने त्यसपछि माओवादीका अध्यक्ष पुष्पकमल दाहाललाई प्रधानमन्त्री बनाउने प्रस्ताव गरेको थियो । तर प्रधानमन्त्री दाहाल आफू पहिलो पटक नै प्रधानमन्त्री हुन चाहन्थे । त्यसमा कांग्रेससँग कुरा नमिलेपछि उनी एमालेका अध्यक्ष ओलीसमक्ष पुगे । ओलीले पहिलो पटक नै प्रधानमन्त्री बन्ने उनको प्रस्ताव स्वीकारे । सत्ता समीकरण फेरियो । एमाले र माओवादीलगायत गठबन्धन बन्यो । एमालेले त्यसलाई आफ्नो विजय सम्झ्यो भने कांग्रेस जिल्ल पर्यो ।
एमाले र माओवादीको भागबण्डा मिलेन । प्रधानमन्त्री दाहाल एमालेबाट टाढा हुँदै कांग्रेससँग नजिकिए । एमाले हिस्स प¥यो । प्रधानमन्त्रीले सत्ताको खेल एमालेसँग पनि खेले भने कांग्रेससँग पनि खेले । तेस्रो ठूलो पार्टी भएर पहिलो र दोस्रो ठूलो पार्टीहरूसँग त्यसरी खेल्नु उसको चातुर्यता हो । उनले २ पटक विश्वासको मत पाएका छन् । गणितीय हिसाबले उनी शक्तिशाली प्रधानमन्त्री देखिएका छन् । ठूल्ठूला पार्टीहरूलाई आफ्नो पछि लगाउन सक्नु उनको पुरुषार्थ मान्नुपर्दछ । तर उनको त्यो पुरुषार्थ सरकारको गठनमा त्यसको सञ्चालनमा र विकास र निर्माणमा लाग्न सकेन । उनले यो सय दिनमा ७ पटक सरकारको पुनर्गठन गरिसके तर अझै उनको सरकारले पूर्णता पाउन सकेको छैन ।
उनी यस पटक प्रधानमन्त्री हुन अति उत्साहित भएका थिए । यस पटक देशका लागि महŒवपूर्ण काम गर्ने प्रतिबद्धता व्यक्त गरेका थिए । उनले कुरा थोरै काम धेरै गर्ने वचन पटक–पटक दोहोर्याएका थिए । तर उनको त्यो बोली र व्यवहारमा तादात्म्य आएन । उनको अधिकांश समय भाषणमा नै बित्दै छ, निर्देशन र आश्वासनमा नै बित्दै छ । उनले प्रधानमन्त्री हुनासाथ सचिवहरूलाई ३० बुँदे निर्देशन दिएका थिए । ती सचिव र धेरै कर्मचारीहरूको सरुवा गरिएकाले त्यो निर्देशन कहाँ गयो भनेर खोज्नुपर्ने अवस्था आएको छ । मन्त्रालयमा मन्त्रीहरू त भर्खरै नियुक्त भएर आउँदै छन् भने त्यो सरकारले के–कति काम गर्यो भनेर समीक्षा गर्न खोज्नु नै समयभन्दा पहिले आफैं आत्तिनुजस्तो भएको छ । त्यस हिसाबले सोच्दा यो सय दिन बिना उपलब्धिको भएको भन्नुपर्ने अवस्था छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१