नेपाल उद्योग वाणिज्य महासंघको हालै काठमाडौंमा भएको महाधिवेशनले आफ्नो नयाँ नेतृत्व चयन गरेको छ । महासंघको विधानअनुसार वरिष्ठ उपाध्यक्ष भएका चन्द्रप्रसाद ढकाल यसपटक स्वतः अध्यक्ष पदमा आसीन भए । वरिष्ठ उपाध्यक्षमा अञ्जन श्रेष्ठ निर्वाचित भएका छन् । वरिष्ठ उपाध्यक्ष श्रेष्ठ अर्को पटक स्वतः अध्यक्ष हुने प्रावधान छ । नयाँ नेतृत्वमा आएका ढकाल र श्रेष्ठ दुबै गण्डकी प्रदेशका भएकाले प्रदेशमा त्यसको सकारात्मक प्रतिक्रिया देखिएको छ । महासंघमा पहिले यसै प्रदेशका आनन्दराज मुल्मीले नेतृत्व गरेका थिए । महासंघको स्थापनामा पोखरा उद्योग वाणिज्य संघको महत्वपूर्ण योगदान रहेकाले संघका पदाधिकारीहरू महासंघका विभिन्न पदमा निर्वाचित हुन्थे । त्यसरी निर्वाचित हुनेरूमा त्रैलोक्यनाथ श्रेष्ठ, हेमबहादुर प्रधान तथा आजाद श्रेष्ठ उल्लेखनीय छन् । उनीहरु विभिन्न समयमा उपाध्यक्षमा निर्वाचित भएका थिए ।
महासंघका नयाँ नेतृत्वलाई सुरुमा नै एउटा अनुकूलको वातावरण तयार भएको छ । महासंघले केही महिना पहिले बैंकको ब्याजदरको विरोधमा आन्दोलन गरेको थियो । त्यो आन्दोलनको सकारात्मक प्रभाव देखिएको छ । सरकारले नयाँ वर्ष भित्रिनै लाग्दा बैंकको ब्याजदर घटाएको छ । महासंघको नयाँ नेतृत्वका लागि यो उत्साहजनक वातावरण हो । सरकारमा नयाँ अर्थमन्त्री डा. प्रकाशशरण महत आउनु र बैंकको ब्याज घट्नु लागानीकर्ताका लागि शुभ संकेत हो । लगानीकर्ताले यसको राम्ररी उपयोग गर्न सक्नुपर्दछ र लगानीको वातावरण बनाउँदै जानुपर्दछ ।
देशमा केही भएन । सरकारले राम्रो काम गरेन भनेर जताततै असन्तोष व्यक्त भइरहेको बेला सरकारले बैंकको ब्याजदर घटाएर आफू सकारात्मक भएको सन्देश दिएको छ । यो एक महत्वपूर्ण अवसर हो । महासंघको माग पूरा भएकाले महासंघका नयाँ नेतृत्वले यसलाई गम्भीर किसिमले लिनुपर्दछ र लगानी गर्नका लागि आफ्ना लगानीकर्तालाई प्ररित गर्नुपर्दछ । त्यत्तिमात्र होइन, नेतृत्व तहमा निर्वाचित भएकाहरुले त तत्परता देखाएर आगामी वर्षको सरकारको बजेटमा आफ्नो पक्षबाट सुझाव र सल्लाह दिनुपर्दछ । वार्षिक रुपमा आउने गरेको बजेट विकासको मेरुदण्ड हो । मेरुदण्डलाई बलियो पनि पार्नुपर्दछ र अनुकूलको पनि बनाउनु पर्दछ । त्यसो गर्नु महासंघको नयाँ नेतृत्व सफल र सबल होस् भन्ने हाम्रो कामना छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१