१. नेपाली काँग्रेसका सभापति शेरबहादुर देउवा मंगलबार संसदमा भएको निर्वाचनमा प्रधानमन्त्री पदमा निर्वाचित भएका छन्। निर्वाचनमा उनको मात्र मनोनयन पत्र परेको थियो। उनले ३८८ मत प्राप्त गरी विजयी भएका छन् भने उनको विरोधमा १७० मत परेको थियो। संविधानमा विपक्षमा मतदान गर्न पाउने प्रावधान छ।
२. नेपाली काङ्ग्रेस र माओवादी केन्द्रको आपसी सहमति अनुसार केन्द्रका अध्यक्ष पुष्पकमल दाहालको प्रधानमन्त्री पदबाट राजीनामा दिएपछि देउवाको लागि मार्ग प्रशस्त भएको थियो। उनले बुधबार राष्ट्रपति विद्यादेवी भण्डारीबाट सपथ ग्रहण गरेका छन्। आफ्नो शपथ ग्रहणको लगत्तै उनले आठ सदस्यीय मन्त्रीमण्डल गठन गरेका छन्।
३. उनले शपथ गरेलगत्तै उनको कार्याकाल कस्तो होला, उनी सफल होलान कि नहोलान, उनका चुनौती के-के छन् आदि इत्यादिबारे चर्चा परिचर्चा शुरु भएका छन्। यसअघि उनी तीन पटक प्रधानमन्त्री भइसकेका छन्। तर त्यसबेलाको उनको कार्यकाल त्यत्ति सफल भएको मानिएन। त्यसैले अहिले त्यसको चर्चा बढेको हो।
४. अहिलेको उनको चुनौती संविधानको कार्यान्वयन नै हो। संविधानको कार्यान्वयनको क्रममा स्थानीय तहको पहिलो चरणको चुनाव सम्पन्न भइसकेको छ भने दोस्रो चरणको चुनाव गराउने कार्य उनको काँधमा आएको छ। त्यसपछि प्रदेश र संसदको चुनाव गराउनु उनको दायित्व हो।
५. यी पंक्ति लेखिँदा सम्म मधेशमा आधारित राष्ट्रिय जनता पार्टीसंविधान संशोधन नभईकन चुनावमा सहभागी नहुने अभिव्यक्ति दिँदैछन्। त्यसका केही नेताहरुले त चुनाव विथोल्ने धम्की नै दिएका छन्। प्रधानमन्त्री देउवाले मधेसवादी दलहरुलाई के कसरी सहभागी गराउलान, त्यो सबैको चासोको विषय भएको छ।
६. नयाँ सरकारले भूकम्प पछिको पुनःनिर्माणलाई प्राथमिकतामा राखेको पनि जनाएको छ। सरकारले लगानी वातावरण बनाएर आर्थिक समृद्धि गर्ने कुरा पनि गरेको छ। सरकारका सामु शान्ति प्रक्रियाका बाँकी काम पूरा गर्नु पनि एक चुनौती भएको छ। त्यसको लागि सत्य निरुपण तथा वेपत्ता आयोगलाई गतिशील बनाउनु आवश्यक छ।
७. माओवादी केन्द्रको चासो दश वर्षे जनयुद्धको बेलाका मुद्दाहरु सम्बन्धमा रहेका छन्। त्यसलाई केकसरी छिनोफानो गर्ने, त्यो उपाय देखिएको छैन। तैपनि प्रधानमन्त्री देउवालाई माओवादी केन्द्रको चर्को दबाव त्यस सम्बन्धमा हुन सक्छ। प्रधानमन्त्री देउवाले यस सम्बन्धमा वास्ता राखेर र स्थिति विपरीत दिशातिर गएमा सत्ता साझेदारको सन्तुलन ब्रि्रन सक्छ। यसमा सरकार सजग र सतर्क हुनु आवश्यक छ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
जिबी राईको राहदानी रद्द भएन
पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१