१. रुपन्देही जिल्लाकी ११ वर्षीय तेरिया फौजा मगरले भारतीय टेलिभिजन च्यानल जीटीभीमा प्रसारित “डिआइडी” लिटिल माष्र्टस-३ को उपाधी जितेपछि जताततै चर्चा भएको छ। तेरियाले पुरस्कार स्वरुप केवी-३ कप सहित १० लाख भारतीय रुपैयाँ प्राप्त गरेकी छिन्। उनको यो जीतले नृत्य र संगीतको क्षेत्रमा नेपालको प्रतिष्ठा बढेको छ।
२. उक्त प्रतियोगितामा दार्जिलिङ निवासी १० वर्षीय नेपाली भाषी अनुष्का क्षेत्री द्वितीय भएकी थिइन् भने भारत बै·लोरका १० वर्षीय स्वाधिन शेट्टी तृतीय भएका थिए। अन्तिम चरणमा पुगेका चार जना मध्ये भारतकै १२ वर्षीय हार्दिक रुपले चौथो भएका थिए। दोस्रो र तेस्रो हुनेले क्रमशः तीन लाख र दुर्इ लाख भारु पाएका थिए।
३. डान्स इण्डिया डान्स प्रतियोगितामा भारत भित्र र बाहिरका गरी १४ वर्ष मुनिका तीन लाखले आवेदन दिएका थिए भने आयोजकहरुले तीन लाख मध्येबाट ४० हजार जनालाई प्रतियोगितामा छानेका थिए। पहिले ४० हजारमा परेकी तेरिया मेगा अडिशन हुँदै अन्तिम चरणमा परेकी थिइन्। अन्तिम चरणमा परेकी तेरिया शनिबार भएको अन्तिम प्रतियोगितामा प्रथम घोषित भएकी थिइन्।
४. तेरिया रुपन्देहीको रुद्रपुरस्थित पिस ल्याण्ड भूपू सैनिक विद्यालयमा पाँच कक्षामा अध्ययनरत छिन् भने उनले बुटबलको बागेश्वरी संगीतालयमा पाँच वर्षदेखि नृत्य तालिम लिइरहेकी छिन्। त्यो प्रतियोगितामा उनलाई उनको बाजे कृष्णबहादुर थापा मगरले पठाएका थिए। अन्तिम प्रतियोगितामा उनको बाजे, बा आमा र रुपन्देही मगर संघका पदाधिकारी तथा सदस्यहरु मगर पहिरनमा सरिक भएका थिए।
५. तेरियाले आफ्ना गुरुलाई गुरुभेटी स्वरुप बुद्धको मूर्ति उपहार दिँदा समारोहमा खुशीको लहर उत्पन्न भएको थियो। उनी आफू बौद्ध अुनयायी भएकीले बुद्धको मूर्ति उपहार दिएकी बताएकी थिइन्। उनले शुरुदेखि उत्कृष्ट नृत्य प्रदर्शन गरी गुरुको मात्र होइन, जजहरुको मन पनि जितेकी थिइन्, भने अन्तिमतिर दर्शक, श्रोता लगायतका एस.एम.एस. कर्ताहरुको एस.एम.एस. भोटको आधारमा प्रथम घोषित भएकी थिइन्।
६. केही वर्ष पहिले नेपाली भाषी दार्जिलिङ निवासी प्रशान्त तामा·ले यस्तै प्रतियोगिता जितेका थिए। अहिले १४ वर्ष मुनिका बालबालिकाहरुको प्रतियोगितामा नेपाली तेरिया प्रथम र नेपाली भाषी दार्जिलि·का अनुष्का क्षेत्री द्वितीय भएका छन्। यो हाम्रो लागि ठूलो खुशी र गौरवको कुरा हो।
७. तेरिया बाल्यवस्थादेखि नृत्यमा रुचि राख्थिन्। त्यसैले उनलाई संगीतालयमा तालिम दिने गरिएको हो। खेलकूदमा पनि उनी त्यस्तै छिन्। भारतमा भएको ४० हजार जनामा भएको प्रतियोगितामा प्रथम हुनु ठूलो कुरा हो। उनले यस्तो कलिलो उमेरमा त्यो ठूलो काम गरेकी छिन्। हामी उनको विजयमा हार्दिक प्रशन्नता व्यक्त गर्दै उनलाई हार्दिक शुभ कामना दिन चाहान्छौ र उनको उत्तरोत्तर उन्नति र प्रगतिको मंगलमय कामना गर्दछौँ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१