१. नेपाली काङ्ग्रेसले विधिवत् रूपमा आफ्नो संसदीय दलको नेता छानेको छ। नेपाली काङ्ग्रेसले राम्रोको लागि सर्वसम्मतिबाट नेता छान्ने प्रयास गरे तापनि आखिरमा निर्वाचन पद्धतिबाट नेता छान्ने काम सम्पन्न गरेको छ। अब नेता छान्ने काम एमालेको हो। एमालेमा पनि सर्वसम्मति गर्ने प्रयास भइरहेको छ।

२. नेकपा एमालेको निकट भविष्यमा महाधिवेशन पनि हुने भएकोले नेताहरूले त्यस महाधिवेशनमा हुने चुनावलाई पनि दृष्टिगत गरी पदको विभाजन गर्न खोजेका छन्। नेपाली काङ्ग्रेसमा नेता पदको लागि तीन जनाबीच तानातान थियो भने एमालेमा चार जना शीर्ष नेताबीच तानातान छ। उल्झन एमालेमा बढी देखिन्छ।

३.     एमालेका शीर्ष नेताहरूमा दुर्इजना भूतपूर्व प्रधानमन्त्री भएका छन्। पूर्व प्रधानमन्त्री माधव नेपाल पहिले लामो समय पार्टीअध्यक्ष समेत भएका थिए भने वर्तमान अध्यक्ष झलनाथ खनाल पनि पूर्व प्रधानमन्त्री हुन्। प्रभावशाली नेता के.पी. ओली र उपाध्यक्ष वामदेव गौतम पनि चुनावी मैदानमा रहेकाले स्थिति पेचिलो भएको छ।

४. नेताहरूका अगाडि पार्टीर सरकारमा जानका लागि धेरै पद छन्। सरकारमा जाने नेताहरू सहजै उपप्रधानमन्त्री पाउन सक्छन्। तैपनि सबैले शीर्ष पदहरू ताक्ने भएकाले तानातान चर्को भएको हो। प्रतिस्पर्धामा गौतम केही पछाडि भएको देखिएको छ र उनको समर्थनले निर्णायक भूमिका खेल्ने देखिएकाले उनलाई ‘किङ मेकर’ भन्न थालिएको छ।

५. वर्तमान संविधानसभामा एमाले दोस्रो ठूलो पार्टीहो। दोस्रो ठूलो पार्टीभएकाले त्यसको भूमिका र महत्त्व पनि ठूलो छ। एमालेले आफ्नो महत्त्वपूर्ण भूमिका संविधान निर्माणमा लगाउनुपर्दछ। पहिलो ठूलो भएको काङग्रेस सानोतिनो कुरामा अड्कन खोजेमा त्यसरी अलमलिन नदिई संविधान निर्माणमा नै लगाउनुपर्दछ।

६.     जनताले काङ्ग्रेस र एमालेलाई पहिलो र दोस्रो ठूलो पार्टीबनाएको यी दुर्इ पार्टीमिलेर संविधान बनाउन् भनेर हो। विगत संविधानसभामा यी पार्टीले जे जस्तो भूमिका खेले त्यसको मूल्याड्ढन गरेर पनि हुन सक्दछ। त्यसकारण यस्तो पार्टीमन्त्रालयको बाँडफाँट जस्तो सानोतिनो कुरामा अल्झिनुहुँदैन।

७. जनता सजग र सचेत छन् भन्ने कुरा गत चुनाव परिणामले देखाएको छ। चुनाव परिणामले देखाएको शिक्षालाई मनन् गर्नुपर्दछ। आपसमा फुटेर आएको अवसरको सदुपयोग गर्न नसक्नु उसको कमजोरी र्ठहर्छ। त्यसकारण पार्टीले नेता चुन्ने काममा सर्वसम्मति नभए चुनावमा जान पनि सक्नुपर्दछ। चुनावमा गयो भने को कति पानीमा छन् भन्ने कुरा पनि प्रष्ट हुन्छ, जस्तो नेपाली काङ्ग्रेसमा देखियो। छिटो चुनाव गरी सरकार गठनमा सघाउ पुर्‍याउनु अहिलेको आवश्यकता हो।