पोखरा, ४ माघ। पोखरा रंगशालास्थित क्रिकेट मैदानमा सोमबारदेखि नेपाल(भारत त्रिकोणात्मक क्रिकेट सिरिज सुरु भएको छ। प्रतियोगितामा नेपालबाट कास्की ११ ले प्रतिनिधित्व गरेको छ भने भारतको दिल्ली र आन्द्र प्रदेशको टोलीले प्रतिसपर्धा गरेका छन्।

सोमबार पूर्व खेलकुद मन्त्री पुरुषोत्तम पौडेलले व्याटिङ गर्दै प्रतियोगिताको उदघाटन गरे। पहिलो खेलमा दिल्लीले आन्द्र प्रदेशको सामना गरेको थियो। टस जितेर ब्याटिङ गरेको दिल्लीले गर्दै २० ओभरमा एक सय ६१ रन बनाएको थियो। अक्कीले ६५ बलमा ८८ रन बनाए। राजेशले २४ बलमा ३३ रन बनाए।

एकसय ६२ रनको लक्ष्य पछ्याएको आन्द्र प्रदेशले २० ओभरमा केवल एक सय ४६ रनमा समेटिदै १५ रनले पराजित भयो। आन्द्र प्रदेशका लागि बन्जिमले ४० रन बनाए। डेबिडसनले २५ रन बनाएका थिए। दिल्लीका बलर अक्किले चार ओभर २४ रन दिँदै तीन विकेट लिएका थिए। खेलको म्यान अफ दि म्याच अक्की घोषित भए।

दोस्रो खेल कास्कीले आन्द्र प्रदेशले दिएको एक सय ४२ रनको लक्ष्यलाई १९ ओभर चार बलमा पूरा गरेका थिए। आन्द्र प्रदेशले पहिले ब्याटिङ गर्दै २० ओभरमा डेबिडसनले २२ बलमा सर्वाधिक २९ रन बनाएका थिए। मोलेसीले २८ बलमा २६ रन बनाई पवेलियन फर्किए। रिजन प्रजुले चार ओभर १५ रन दिँदै दुर्इ विकेट, प्रदीप राउतले तीन ओभर १८ रन दिदैं दुर्इ विकेट लिएका थिए।

कास्कीले १९ ओभर चार वलमा लक्ष्य पूरा गर्ने क्रममा रिजन प्रजुले ४८ बलमा ६८ रन नटआउट हिर्काए। आलम खान र प्रदीप राउतले समान १२ रन बनाएका थिए। कास्की पाँच विकेटले जित्दै रिजन प्रजु खेलको म्यान अफ दि म्याच घोषित भए।