नवलपुर ।नेपाल सरकारले मंगलबार त्रिवेणी छोटी भन्सार कार्यालयलाई गण्डकी प्रदेशको मुख्य भन्सार कार्यालयको रूपमा स्तरउन्नति गर्ने निर्णय गरेको छ । गत वर्षसम्म २५ हजार सम्मको मालसामान ढुवानी तथा कारोबार गर्ने अनुमति पाएको उक्त छोटी भन्सारको मंगलबार प्रधानमन्त्रीसँग परामर्श गरिए अनुरूप स्तरवृद्धि गरिएको संघीय सांसद तिलक महतले जानकारी गराए ।
अबको १५ दिनभित्र आधिकारिक समारोहको आयोजना सहित बस्तु जाँचपास सेवा शुभारम्भ गरिने सांसद महतले बताए । कार्यालयको अनुगमन र पूर्व तयारीको लागि मंगलबार नै काठमाडौंबाट प्राविधिक टोली त्यसतर्फ खटाइएको उनले उल्लेख गरे । गण्डकीको लाइफलाइन मानिने कोरला–त्रिवेणी सडकको मुख्य भन्सार कार्यालय त्रिवेणी हुने भएपछि नवलपरासी (बर्दघाट सुस्ता पूर्व) का उद्योगी व्यवसायीमा नयाँ तरङ्ग छाएको नवलपुर उद्योग बाणिज्य संघका अध्यक्ष डासुराज पोखरेलले उल्लेख गरे ।
यसअघि संघीय सांसद तिलक महतकै पहलमा करदाता सेवा कार्यालय र यातायात सेवा कार्यालयको स्तरउन्नति गरी मुख्य कार्यालयमा रूपान्तरण गरिएको थियोे । गण्डकी प्रदेशको मुख्य सिमा भन्सार कार्यालयको रूपमा त्रिवेणीलाई विकसित गरिएपछि नवलपुरको सिधा कारोबार भारत बिहारको राजधानी सहर पटनासँग हुने भएको छ । निर्माणाधीन त्रिवेणी दुम्किबास सडक सम्पन्न हुनासाथ त्रिवेणीबासीको नमुना सदरमुकाम कावासोतीसँग सिधा सम्बन्ध कायम हुनेछ । हाल कावासोतीबाट त्रिवेणी जान प्रदेश ५ को बाटो भएर जानुपर्ने बाध्यकारी अवस्थामा छ । त्रिवेणी कोरला सडकलाई गण्डकी सरकारले गौरवको आयोजनाको रूपमा अघि बढाएको छ । त्रिवेणी मुख्य भन्सार हुने बित्तिकै यसको कनेक्टिभिटी छिमेकी मुलुक भारतको पटना र चीनको कोरलासँग हुने भएकाले त्रिवेणीवासी निकै उत्साहित भएका छन् । केही समयअघि प्रधानमन्त्री केपी ओलीसमक्ष संघीय सांसद तिलक महतले १५ अर्बको नवलपुर नमुना सदरमुकामको डिपीआर बुझाई केन्द्र सरकारलाई यथाशीघ्र काम अघि बढाउन अनुरोध गरेका थिए ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
hero news full width
मुख्य समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१