पोखरा, २० माघ । गण्डकी प्रदेशका उद्योग,पर्यटन,वन तथा वातावरण मन्त्री विकास लम्सालले पर्यटन समृद्धिको मुख्य आधार रहेको बताएका छन् ।

‘पहिला देश अनि मात्र विदेश’ भन्ने मुल नाराका साथ वण्डरफूल वालिङ पर्यटन विकास संस्था र वालिङ नगरपालिकाको आयोजना गरेको प्रथम वालिङ सांस्कृतिक तथा आन्तरिक पर्यटन रमाइलो मेलाको समापन समारोहलाई सम्बोधन गर्दै मन्त्री लम्साले गण्डकी प्रदेश सरकारले पर्यटनबाट समृद्धि हासिल गर्नको लागि अभियान नै चालएर अगाडि बढीरहेको बताए । पर्यटनमा गण्डकी प्रदेश अत्यन्तै रमणीय प्रकृति, संस्कृति र भुगोलमा साहसीक खेलका लागि विभिन्न सम्भावनाहरु बोकेको बताउर्दै मन्त्री लम्सालले पर्यटनका विभिन्न प्रकारहरु रहेको र ती सबैलाई देखेर नै देशको समृद्धिको लागी पर्यटनलाई नै मुख्य आधार मानेर अगाडि बढाएको बताए ।

समापन समारोहमा वन्डरफुल वालिङ प्रर्दशन गरेको तयार पारेको भिडियो वृत्त चित्र र अन्तराष्ट्रिय माउन्टेन बाईक प्रतियोगिताको भिडियो हेरेपछि साइकलिङको राम्रो सुरुवात गरेको भन्दै आन्तरिक तथा बाह्य पर्यटन भित्राउन यसले ठुलो सहयोग गर्ने बताए । कार्यक्रममा प्रदेशका विधायन समितिका सभापति मोहन रेग्मी, वालिङ नगरपालिका प्रमुख दिलिपप्रताप खांण, नेकपा जिल्ला अध्यक्ष पारस गैह्रै, कागे्रसका वालिङ नगरसचिव भुपराज बगाले, वालिङ उद्योग वाणिज्य संघका अध्यक्ष शोभाकान्त पौडेलल गायतले कार्यक्रम भव्य र सभ्य रुपमा सम्पन्न भएकोमा शुभकामना दिएका थिए ।

‘पहिला देश अनि मात्र विदेश’ भन्ने मुल नाराका साथ आयोजित महोत्सवमा वालिङ नगरपालिका तथा आसपासका क्षेत्रमा भएका पर्यटकीय संभावनाहरुको पहिचान, प्रवद्र्धन, सम्वद्र्धन र विकास गर्दै स्थानीय समुदायको नेतृत्वमा वालिङलाई उत्कृष्ट पर्यटकीय गन्तब्य बनाउने प्रयास गरिएको वन्डरफुल वालिङ पर्यटन विकास संस्थाका अध्यक्ष दिनकर नेपालले बताए ।