साधन राम्जाली -म्याग्दी । गण्डकी प्रदेश मुख्यमन्त्री गुरुङले गण्डकीको समृद्धिको आधार पर्यटन र उर्जा रहेको बताएका छन् । उनले संसारमा नभएको ऐतिहासिक पर्यटकीयस्थल गण्डकी प्रदेशमा रहेको दाबीसमेत गरे ।
‘संसारमा नभएका स्थल गण्डकीभित्र छन् । प्रदेश सरकारले पर्यटन र उर्जालाई समृद्धिको आधार मानेको छ,’ बिहीबार अन्नपूर्ण गाउँपालिका ४, नारच्याङमा पर्यटन महोत्सव तथा अध्यक्ष कप खेलकुद प्रतियोगिता उद्घाटन गर्दै उनले भने, ‘प्रदेश सरकारले विशेषता र सम्भावना आधारमा गण्डकीभित्र रहेका पर्यटकीयस्थलको छनौट गरी पूर्वाधार निर्माण गर्नेछ ।’
उनले पर्यटकीय स्थलको प्रवद्र्धन गर्न प्रदेश सरकार पूर्वाधार निर्माणमा लागेको जानकारी दिए । गुरुङले देशकै बढी उर्जा उत्पादन हुने गण्डकी प्रदेश उज्यालो गण्डकी अभियानमा जुटेको बताए । प्रदेश सरकारले उज्यालो गण्डकी अभियानमार्फत २ वर्षभित्र अध्याँरोमुक्त प्रदेश बनाउने लक्ष्य लिएको उनले भनाइ थियो । प्रदेशभित्र घरबास निर्माणका लागि २५ करोड रुपैयाँँ बजेट विनियोजन गरेको मुख्यमन्त्रीको बताए । उनले प्रदेश सरकार पूर्वाधार निर्माण गरिरहेको बताउँदै नागरिकलाई उद्यम व्यापारमा लाग्न आग्रह गरे । उनले पर्यटन पदमार्ग निर्माणका लागि प्रत्येक जिल्लालाई ४० लाख रुपैयाँँ बजेट वितरण गरिएको पनि बताए ।
सो अवसरमा प्रतिनिधिसभा सदस्य भूपेन्द्रबहादुर थापाले संघ र प्रदेश सरकारबाट विनियोजित बजेट तथा योजनाबारे जानकारी दिए ।
अन्नपूर्ण गाउँपालिका अध्यक्ष क्या. डमबहादुर पुनले गाउँपालिकाभित्र ओझेलमा परेका गन्तव्य पहिचान गरी पर्यटकीय स्थलको विकास गर्न र युवा तथा खेलकुदको प्रवद्र्धन गर्न महोत्सवसँगै अध्यक्ष कप खेलकुद प्रतियोगिता गरिएको जानकारी दिए । ‘ओझेलमा परेको अन्नपूर्ण हिमाल र आधार शिविरलाई पहिचान गराउन महोत्सव गर्न लागेका हाैं,’ पुनले भने, ‘नारच्याङहुँदै अन्नपूर्ण आधार शिविर जाने छोटो र सजिलो पदमार्ग तयार भएको सन्देश फैलाउनु महोत्सवको अर्को उद्देश्य हो ।’
नेपाल भ्रमण वर्ष २०२० अवसर पारेर नयाँ गन्तव्यरुपमा नारच्याङ–अन्नपूर्ण आधार शिविर पदमार्ग सञ्चालन गर्न लागिएको हो । आधारभूतस्तरको पदमार्ग, झोलुङ्गे पुल र क्याम्पिङ साइट निर्माणका साथै नक्सा समेत तयार पारिएको छ ।कार्यक्रममा नेपाली काँग्रेस म्याग्दी सभापति खम्बिर गर्बुजा, नेकपा नेता खड्क गिरी, धवलागिरि गाउँपालिका उपाध्यक्ष रेशम छन्त्याल, गाउँपालिका प्रवक्ता कृष्णप्रसाद बरुवाल ,पर्यटन व्यवसायी तेज गुरुङ लगायतले बोलेका थिए ।
गाउँपालिका उपाध्यक्ष केशमाया मगरको स्वागत र प्रमुख प्रशासकीय अधिकृत नवीन सुवेदीले संचालन गरेको कार्यक्रममा अन्नपूर्ण नर्थ बेसक्याम्प जाने मार्गको म्याप विमोचन गरिएको थियो ।
अध्यक्ष कप खेलकुद प्रतियोगिताअन्तर्गत पुरुष भलिबल र बास्केटबल हुनेछ । विजेता र उपविजेतालाई क्रमशः ७५ र ५० हजार दिइनेछ ।आर्थिक संयोजक आत्मा तुलाचनका अनुसार महिला भलिबलमा विजेता र उपविजेताले क्रमशः ६० र ४० हजार पुरस्कार पाउनेछन् भने सो अवसरमा प्रौढ भलिबल, सामूहिक नृत्य, एकल नृत्य समेत हुनेछ ।
Related News
सम्बन्धित समाचार
पहिले छाती नाप्न गल्ला आउँथे, अहिले एजेन्ट
जग्गाधनीले रोके रुपाताल परियोजनाको काम
चेक बाउन्सको समस्याले व्यवसायी र प्रहरीलाई हैरान
मातहतका कार्यालयको दैनिक प्रगति पेस गर्न मुख्यमन्त्री अधिकारीको निर्देशन
नियन्त्रित मुद्रास्फीति, शोधनान्तर र चालुखाता बचतमा
hero news full width
मुख्य समाचार
फेवाबाट जलकुम्भी हटाउन अभियान सुरु
चुच्चे नक्साको विवादमा तानिएपछि राष्ट्रपतिका आर्थिक विज्ञले दिए राजीनामा
वैशाख ३०, २०८१भाँगो र आलुसँग चामल साटेर गुजारा गर्दै बागलुङको रमुवाका बासिन्दा
वैशाख ३०, २०८१७ श्रष्टालाई गण्डकी प्रज्ञा प्रतिष्ठानको सम्मान
वैशाख २९, २०८१‘घरजग्गा खरिदबिक्री नहुँदा अर्थतन्त्र कमजोर’
वैशाख २९, २०८१२२ महिनामा पनि बनेन हरिचोक–याम्दी खण्डको २ किमी सडक
वैशाख २९, २०८१