पोखरा । पोखरामा जारी तेश्रो स्व. रन्जित गुरुङ स्मृति तथा नवौं बगर भाइखलक भेट्रान एट ए साइड अन्तर्राष्ट्रिय फुटबल प्रतियोगितामा बिहीबार प्रि–क्वाटरफाइनलका खेलहरु सकिएको छ ।
बगर भाइखलकले आयोजना गरेको प्रतियोगिता अन्तर्गत बिहीबार सम्पन्न पहिलो खेलमा आयोजक सेतोले हेटौडा भेट्रान निलोलाई ४–२ ले पाखा लगायो । आयोजकको जितका लागि गंगा तामाङले २, मनोज गुरुङ र किरण श्रेष्ठले समान १/१ गोल गरे । हेटौडाको तर्फबाट भरत तितुङ र नवराज बज्राचार्यले १/१ गोल गरे ।
त्यस्तै, दोश्रो खेलमा भनिमण्डल ललितपुरले अभिषेक चर्च नवलपुरलाई २–० गोल ले पराजित गरेको छ । जितका लागि भनिमण्डलका तर्फबाट पाण्डव खाती र सुजित केसीले समान १/१ गोल गरे ।
यसैगरि, बिहीबार भएको तेश्रो खेलमा एक्स–पोखरा भेट्रानले लेकसाइड भेट्रानलाई ४–० फराकिलो गोल अन्तरले पराजित गरेको छ । कुमार शेरचनले २ गोल गरे । एक्स–पोखराका लागि किसन गौचन र सुरज मल्लले समान १/१ गोल गरे ।
त्यस्तै अर्को खेलमा नाइट किङ सानो गौचरनले हेटौडा भेट्रान रातोलाई ३–२ गोलले पराजित ग¥यो । नाइट किङका लागि राकेश श्रेष्ठले २ र जगत लामाले १ गोल गरे । हेटौडा रातोबाट बलबहादुर गुरुङ र विजयलाल श्रेष्ठले १/१ गोल फर्काए ।
बिहीबारको अन्तिम खेलमा मिया सान मियाले जोरपाटी भेट्रानलाई ३–२ ले पाखा लगायो । जितका लागि नविन पाण्डेले २ गोल र कल्याण खड्गीले १ गोल गरे । जोरपाटीको तर्फबाट उमेश लामाले २ गोल गरे ।
बिहीबार इङ्ल्याण्डका फुटबल प्रशिक्षकतर्फबाट नेशनल लिग सिस्टमका प्रमुख लाउरेन्स् जोन्स्लाई आयोजकले स्वागत समेत गरेको छ । स्वागतपछि बोल्दै जोन्सले पोखरामा फुटबलको क्रेज देखेर खुशी भएको कुरा व्यक्त गरे । उनले आपसी सम्वन्धलाई सुमधुर बनाउन आफू लागि पर्ने प्रतिवद्धता समेत व्यक्त गरे ।
पोखरा–१, बगरस्थित टुंडिखेल मैदानमा जारी प्रतियोगितामा शुक्रबार क्वाटरफाइनलका ४ खेल र सेमिफाइनलका २ खेल गरी ६ खेल हुने प्रतियोगिताका प्राविधिक संयोजक खगेन्द्र गुरुङले जानकारी दिए ।
शुक्रबार क्वाटरफाइनल अन्तरगतको पहिलो खेल भनिमण्डल र एक्स–पोखराबीच हुनेछ । अमरसिंह ब्वाइज क्लब (एबीसी) पोखरा र आयोजक सेतोबीच दोस्रो खेल हुनेछ । टि–वर्गर ललितपुर र चितवन भेट्रानस्बीच तेस्रो खेल हुनेछ । चौथो खेल नाइट किङ सानो गौचरन र मिया सान मियाबीच हुनेछ । उक्त क्वाटरफाइनल खेलका विजेताबीचको सेमिफाइनलको खेल पनि शुक्रबार नै हुने आयोजकले जनाएको छ ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
पोखराको चाउथेमा बिजुली पसलमा आगलागी हुँदा १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१