काठमाण्डौं । सहिद स्मारक ए डिभिजन लिग फुटबल अन्तर्गत बुधबारदेखि तेस्रो चरणको खेलहरु शुरु भएको छ । मच्छिन्द्र क्लबले आफ्नो पहिलो खेलमा फ्रेण्डस क्लबलाई पराजित गर्दै लिगको शीर्ष स्थानमा उक्लिएको छ ।
त्रिपुरेश्वरस्थित दशरथ रंगशालामा भएकोे खेलमा मच्छिन्द्रले फ्रेण्डस क्लबमाथि ३–० गोलको जित निकाल्दै लिगको शीर्ष स्थानमा उक्लिएको हो ।
जारी लिगमा मच्छिन्द्रले ६ अंक जोडेको छ । यसअघि, मच्छिन्द्रले ब्रिगेड ब्वाइज क्लबलाई २–० ले हराएको थियो । च्यासल युथ क्लबसँग मच्छिन्द्र १–१ को बराबरीमा रोकिएको थियो ।
मच्छिन्द्रको जितमा पिटर सेगुन, एडिलाजा सोमिडे र रेजिन सुब्बाले समान १÷१ गोल गरे । खेलको २९ औँ मिनेटमा पिटर सेगुनको गोलबाट मच्छिन्द्रले अग्रता लिएको थियो । रेजिन धिमालको क्रसलाई गोलकिपर देव लिम्बूले पञ्च गर्दै फर्काएपछि रिबाउन्ड बललाई सेगुनले हेडमार्फत गोल गरेका थिए ।
त्यस्तै, खेलको ५१ औँ मिनेटमा एडेलाजाले गोल गरे । कप्तान विराज महर्जनको ब्याक पासमा उनले गोल गरेका थिए । त्यसैगरि, खेलको ८५ औँ मिनेटमा रेजिनले गोल गर्दै मच्छिन्द्रलाई ३–० को सहज जित दिलाए । पराजित फ्रेन्ड्सले भने अघिल्ला दुई खेलमा हार बेहोरेको थियो । खेलमा मच्छिन्द्रका विशाल राई ‘म्यान अफ दि म्याच’ बने ।
सहिद स्मारक ए डिभिजन लिगमा न्यूरोड टिम एनआरटीसँग च्यासल २–१ ले स्तब्ध बनेको छ ।
दशरथ रंशगालामा भएको खेलमा च्यासलविरुद्ध एनआरटीले एक गोलको अग्रता बनाएको थियो । खेलको २७ औं मिनेटमा एनआरटीका विदेशी खेलाडी जुनियरले गोल गर्न सफल भए । उनले कर्नरबाट आएको बललाई हेडमार्फत गोलमा परिणत गरे ।
पहिलो हाफमा एक गोलको अग्रता बनाएको एनआरटीले ७१ औं मिनेटमा १० खेलाडीमा झर्न पुग्यो । उसका यानिक ओवाना दोहोरो पहेलो कार्ड पाउँदै मैदानबाट बाहिरिए । खेलको ८५ औं मिनेटमा उल्टै एनआरटीले गोल गर्न सफल भयो । उसका लागि दर्शन गुरुङले काउन्टर अट्याकमा गोल गरे ।
अन्तिममा च्यासलले एक गोल फर्काउँदै गोल अन्तर कम ग¥यो । उसका लागि अमिर श्रेष्ठले गोल गरेका थिए । यो हारले च्यासललाई अंक तालिकामा ठूलो घाटा बनाएको छ । च्यासलको ३ खेलबाट ६ अंक बटुलेको छ । एनआरटीले लिगमा ४ अंक बटुलेको छ ।
Related News
सम्बन्धित समाचार
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
स्पोर्ट्स अवार्डलाई सहयोग आउने क्रम जारी
hero news full width
मुख्य समाचार
पोखराको मालेपाटनमा डिभाइडरमा ठोक्किएर कार दुर्घटना
बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१यस्तो छ लगानी सम्मेलनको कार्यतालिका
वैशाख १६, २०८१नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१