लमजुङ, १४ साउन । लमजुङको दोर्दी करिडोरमा निर्माणाधीन जलविद्युत परियोजनाका प्रभावित गाउँलेहरूले आफ्नो क्षेत्रमा भूगर्भविद्को टोली खटाउन माग गरेका छन् । गाउँपालिका– ६ ढोडेनीका स्थानीयले गण्डकी प्रदेशका मुख्यमन्त्री पृथ्वीसुब्बा गुरुङलाई एक ज्ञापन पत्र बुझाउँदै त्यस्तो माग गरेका हुन् ।
गण्डकी प्रदेशका मुख्यमन्त्री पृथ्वीसुब्बा गुरुङलाई एक ज्ञापन पत्र बुझाउँदै स्थानीयले दोर्दी करिडोरको माथिल्लो भागमा भएको भौगोलिक अवस्था, त्यसबाट पछि उत्पन्न हुनसक्ने सम्भावित दुर्घटनाको सम्भाव्यताको अवस्था के छ ? आदि बारेमा अध्ययन गर्नका लागि भूगर्भविद्को टोली खटाउन माग गरेका हुन् ।
उदिपुर– नौथर सेरा– ताँजे सडकको २०६४ सालमा ट्रयाक खोलिएको भएपनि हालसम्म कालोपत्रे नगरिएकोतर्फ उनीहरूले मुख्यमन्त्रीको ध्यानाकर्षण गराएका छन् । ज्ञापन पत्रमा दोर्दी करिडोरको मुख्य सडक नौथर सेरा, ताँजे सडकको अवस्था सवारी साधनको बढ्दो चापले सडकको ठाउँठाउँमा दिन प्रतिदिन पहिरो खस्ने, भासिने गर्दा बाटोको जोखिम बढ्दै गएको हुँदा सडक सुधार र जोखिम न्युनिकरणका लागि संघ, प्रदेश र स्थानीय सरकारको ध्यान जानुपर्ने उनीहरूले उल्लेख छन् ।
ज्ञापन पत्र बुझ्दै मुख्यमन्त्री गुरुङले सो क्षेत्रको सुरक्षाका लागि अल्पकालीन र दीर्घकालीन योजना बनाएर काम गर्ने प्रदेश सरकारको सोच रहेको बताए । दोर्दीखोलामा गत बुधबार एक्कासी बाढी आएर विद्युत परियोजनामा काम गरिरहेका १० जनका कामदारलाई बगाई जनधनको क्षति भएपछि गाउँलेहरूले विपद् जोखिमको अवस्थाबारे चासो दिएका हुन् । मुख्यमन्त्रीलाई अनुरोध गर्र्दै उनीहरूले दोर्दी करिडोरमा अग्रिम सूचना जारी गर्न, भावि दिनमा हुन सक्ने जोखिमबारे सचेत गराउने कार्यमा तत्काल टोली परिचालन गर्न समेत ज्ञापनपत्रमा माग गरेका छन् ।
उनीहरूले खोला आसपासका वस्ती संरचनाको जोखिमलाई मध्यनजर गरी विपद् न्युनीकरण गर्ने उपायहरुको लागि ठाउँठाउँमा पूर्व सूचनाको लागि सांकेतिक सूचना यन्त्र र सञ्चार सुविधालाई प्रभावकारी बनाउन एउटा टेलिकम टावरको तत्काल व्यवस्था गर्न माग गरेका छन् ।
Related News
सम्बन्धित समाचार
एडिबीका कार्यकारी निर्देशक र पोखराका मेयरबीच भेटवार्ता
सिद्धेश्वर महादेव मन्दिरमा धर्मराज आचार्य
मानवसेवा आश्रमलाई युनाइटेड क्लबको सहयोग
बागलुङ केन्द्रविन्दु भएर तीनपटक भूकम्प
वडा १२ मा डेंगु सम्बन्धी सचेतना र र्याली
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१